योहान्‍ना 1:34 - ॱलोवा

³⁴ धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 1:34 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 27:40

ॱनेवालाक, “ख्‍यो़ को़न्‍क्षोकगी क्षो़खाङला स्‍यीक्‍ती श्‍याक्‍मो सुमला चीक थुप्‍कीन ख्‍यो़, राङला क्‍योप! ख्‍यो़ को़न्‍क्षोकगी से हीन्‍ना ग्‍याङस्‍यीङने माला भाप्‍ती स्‍योक।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मेथा 4:6

खोङबाला ॱनेवालाक, “खेराङ को़न्‍क्षोकगी से हीन्‍ना, देने माला क्षोङवा जे घीझ्‍येरी ॱनाना देरे ढीक हो़तालाक, ‘खोङबागी खेराङगी क्षीला, खोङबाराङगी भाङछेनक्‍याला का ॱनाङगीलाक, धेनी खेराङगी श्‍याप धोगोङ खाला ॱमेफोक्‍येला, खुङक्‍याई लाक्‍पागी खेराङला खुरा जेगीलाक।’”

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 1:1

को़न्‍क्षोकगी से, येशु मास्‍यीकागी ताम्‍शाङ गो चुक्‍पा।

मारकु 1:11

धेनी नाम्‍खाने सुङकेक च्‍यीक घोरपालाक, “ख्‍यो़ ङी भीजा ढीन्‍चेन हीन। ख्‍यी़मुला ङा ॱमीच्‍यीकी ङ्यामो घा हो़क।”

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:30

ङा धाङ याप नी च्‍यीक हीन।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

ईब्‍रीपा 7:3

खोङगी आकी धाङ आमा धाङ रीग्‍यु धाङ केगीनगी धी़ याङना ढोङगीनगी धी़गी कोरला घीयाः मेतालाक। हीना खोङ नी, को़न्‍क्षोकगी से च्‍योक्‍रे, धी़ तेनगी क्षो़पो़न लाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 4:9

होराङक्‍या सेगी थोक्‍ने सो़न्‍पो ॱनेयेगी क्षीदु को़न्‍क्षोकगी, राङगी से च्‍यीक च्‍यीक्‍पोगो जीक्‍तेनदु ॱङाक जेपालाक। दी गोनेराङ, को़न्‍क्षोकगी राङगी झाम्‍पा होराङक्‍याला ॱङो़न्‍पालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।