33 ङी ङाराङगी खोङला ङो ॱमास्ये हीना ङाला क्षुगी ठी़सो़ तेरयेला ॱङाक्कीनगी़ ङाला सुजुङ, ‘धाम्पे थुक्ङी सी़ खाला भाप्ती श्युक्कीनगो ख्यी़ ज्याली, खोङबाराङ धाम्पे थुक्ङीगी ठी़सो़ जेगीनगो हीन।’
“खेक्या धीक्पाने ग्युरास्योक ॱनेरी, ङा खेक्याला क्षुगी ठी़सो़ तेराहीन हीना ङी स्याम्ला फेप्गीनगो, ङाने वाङक्षे हो़तालाक। ङा खोङबागी श्याप्हाम खेरीन खाये मेक। खोङबागी खेक्याला धाम्पे थुक्ङी धाङ मेगी थोक्ने, ठी़सो़ ॱनाङगीलाक।
धेनी योहान्नागी खुङ घीरीला ॱनेवालाक, “ङी खेक्याला क्षुगी ठी़सो़ तेरालाक। हीना ङाने वाङक्षे च्यीक फेई हो़तालाक धेनी ङा खोङबागी पोल्लेगी डुताक टोरीन खाये मेक। खोङबागी खेक्याला धाम्पे थुक्ङी धाङ मेगी थोक्ने ठी़सो़ ॱनाङगीलाक।
ङाराङगी खोङबाला ङो ॱमास्ये हीना ईस्राएल्पाक्याचारु खोङबा ङो टेयेला, ङी क्षुगी ठी़सो़ तेरी-तेरी होवी।”
हीना ङी मीङ थोक्ने यापगी ॱनाङगीन रोवा जेगीन धाम्पे थुक्ङीगी़, खेक्याला लाब घीरी ॱलाबा जेगीलाक। धेनी ङी खेक्याला स्येगीन घीरी ढो़न्सो ॱनाङगीलाक।
को़न्क्षोकगी ॱङाक्ङागी़ को़न्क्षोकगी का सुङालाक घीझ्येरी ॱनाना खोङबागी, खोला धाम्पे थुक्ङी छे मेग्या ॱनाङालाक।
येशुगी सुवालाक, “ङा ख्यो़ला धेन्पा धेनक्याङ ॱनाहीन, मी च्यीक क्षु धाङ थुक्ङीगी गोने ॱमाकेना, खो को़न्क्षोकगी ग्यासी नाङदु जु ॱमीथुक्कीलाक।
हीना खोङला धेपा झ्यीगीनक्याला थोप्ये हीन्गीन, धाम्पे थुक्ङीगी कोरला येशुगी सुवालाक। घीहीनाः येशु शीजेला ॱमाफाक्पा झ्येरी, धाम्पे थुक्ङीगो धोराङा ॱमानाङ हो़तालाक।
योहान्नागी क्षुगी ठी़सो़ तेरपालाक हीना श्याक्मो तीते स्याम्ने खेक्याला धाम्पे थुक्ङीगी ठी़सो़ थोप्कीलाक।”
धेनी खुङक्या घीरी धाम्पे थुक्ङीगी खावालाक धेनी धाम्पे थुक्ङीगी केरीक श्येम्मा श्येम्माला लाब ताङयेला, खुङक्याला रोवा जेपालाक।
घीझ्येरी ॱनाना होराङ याहुदापा हीन्ना गीरीक हीन्ना याङना ढेन्योक हीन्ना राङवाङगी मी हीन्ना, होराङ घीरी ली़ च्यीकला ग्युरयेला, धाम्पे थुक्ङी च्यीगारागी थोक्ने ठी़सो़ थोप्पालाक धेनी होराङ घीरीगी नाङ धाम्पे थुक्ङी च्यीक्पाराङ ॱनाङ हो़तालाक।