योहान्‍ना 1:29 - ॱलोवा

²⁹ धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 1:29 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

योहान्‍ना 1:35

ङीमा स्‍याम्‍मागो, योहान्‍ना खोरी ङेने ॱङीमुला लारी धे हो़तालाक,

योहान्‍ना 1:36

धेनी येशु होदेने फेप्‍कीनगो ज्‍यारी खी़ ॱनेवालाक, “तो़दाङ, को़न्‍क्षोकगी लुक्‍टु फेवी।”

योहान्‍ना 1:43

धेनी ॱङेटोगो येशु गालील युदु फेप्‍येला, थुक्‍सेम जेपालाक। धेनी खोङबागी फीलीपला थुक्‍ती, “ङी स्‍याबाला डोङ।” सुरी सुवालाक।

योहान्‍ना 2:1

धेनी ङीन सुम्‍बागोला, गालील युगी कानारु ॱङेन्‍डी च्‍यीक हो़तालाक धेनी येशुगी युमगोवा होदुरु फेप हो़तालाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

जेपा 8:32

खी़ सुङरापने ढोक्‍कीन छीक्‍छामगो दे लाक, “खो नी स्‍यावाला ठीक्‍कीन लुक च्‍योक्‍रे ठीक्‍पालाक, धेनी पु डेगीन दोङदु लुक्‍टु खाबा धेगीन च्‍योक्‍रे, खी़ खाने छीक च्‍यीया ॱमातो़न्‍बालाक।

१ कोरीन्‍थुपा 15:3

घीझ्‍येरी ॱनाना ङाला थोप्‍था धाङपो गेक्षेस्‍योकगो, होदेरेराङला ङी खेक्‍याला स्‍येवी, दे नी सुङरापला ढीक्‍टा च्‍योक्‍रे मास्‍यीका होरी धीक्‍पागी क्षीदु ढोङा जेपालाक,

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 14:1

धा ङी तेवी। धेनी लुक्‍टुगो सीयोनगी रीला श्‍याङदी श्‍युक्‍कीन धाङ खोङमुला मी बुम च्‍यीक धाङ तोङ श्‍यीपच्‍यु श्‍येवीगो थोजुङ। खुङक्‍याई टाल्‍लेला खोङबागी छेन धाङ खोङबागी यापगी छेन ढीक्‍दुक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।

ॱङो़न्‍पा 14:4

खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 15:3

धेनी खुङक्‍याई को़न्‍क्षोकगी श्‍याप्‍ची, मोशे धाङ लुक्‍टुगी घुरलु दे लेन्‍बालाक, “के चोवो, कुवाङ को़न्‍क्षोकला, खेराङगी क्षाक्‍ले नी क्षे धाङ ॱहालेगीन दुक। के मीरीकक्‍याई ग्‍यावु, खेराङगी लाम नी ढाङपो धाङ धेन्‍पा दुक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 19:7

होराङ घागा की-की झ्‍यी धेनी ङ्यामो घाउ धेनी खोङबाला शीजे पुलो। घीझ्‍येरी ॱनाना लुक्‍टुगी ॱनामा लेन्‍येगी धी़गो ॱलेप्‍दुक। धेनी खोङबागी भाक्‍मागी राङला डाढीक झ्‍येदुक।

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 21:14

होदे ग्‍याजागी च्‍यारीगोला ॱमाङस्‍यी च्‍युङङी हो़तालाक धेनी होदे ॱमाङस्‍यी खाला लुक्‍टुगी, कुछाप च्‍युङङीक्‍याई मीङ ढीक हो़तालाक।

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”

ॱङो़न्‍पा 5:6

धेनी सेदी श्‍याकश्‍या च्‍योक्‍रे थोङगीन, लुक्‍टु च्‍यीक श्‍युक्‍ठी धाङ सेम्‍चेन श्‍यीगी घुङदु धाङ ॱलोपो़नक्‍याई घुङदु श्‍याङरी श्‍युक्‍कीनगो, ङी थोजुङ। होदे लुक्‍टुला राक्‍योक धी़न धाङ ॱमीक धी़न दुक। होदेक्‍या जीक्‍तेन हो़लेदु झाजा, को़न्‍क्षोकगी थुक्‍ङी धी़न लाक।

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।

ॱङो़न्‍पा 6:1

धेनी लुक्‍टुगी़ होदे थेचे धी़नक्‍याने च्‍यीक स्‍यीक्‍कीनगो, ङी थोङी घाङला सेम्‍चेन श्‍यीक्‍याने च्‍यीकगी, डुक दीरकीन च्‍योक्‍रे केकला “स्‍योक” ॱनागीनगो, ङी घोरजुङ।

ॱङो़न्‍पा 6:16

खुङक्‍याई रीक्‍या धाङ डाकक्‍याला देरे ॱनेवालाक, “हीकी खाला ल्‍हीम धेनी श्‍युक्‍ठीरु श्‍युक्‍कीनगी, श्‍याल धाङ लुक्‍टुगी थुक्‍ठो़ने, हेक्‍याला भेरोझ्‍यी।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”