योहान्‍ना 1:18 - ॱलोवा

¹⁸ सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:18 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 12:41

यस्‍यायागी येशुगी शीजे थोरी, खोङबागी कोरला देरे सुवालाक।

योहान्‍ना 13:23

येशुगी झाम्‍पा झ्‍यीगीन ङेनेगो, खोङबागी कुडामदु ॱङेरी धे हो़तालाक।

योहान्‍ना 14:9

येशुगी खोला सुवालाक, “फीलीप, ङा हुरे रीङा खीकीमुला धेतीया, ख्‍यी़ ङाला ङोमेस्‍येलाले? ङा थोङगीनगी़ यापलाः ज्‍या हो़तालाक। ‘हेक्‍याला याप ॱङो़न्‍दा जे।’ ॱनेरी खेक्‍या घाङगी झ्‍येरी ॱनाथुक्‍वाले?

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 3:11

ङा ख्‍यो़ला धेन्‍पा धेनक्‍याङ ॱनाहीन, हीकी घी स्‍येगीनगो हेक्‍या ॱनालाक धेनी हीकी घी थोङगीनगो, हेक्‍या पाङपो झ्‍यीदालाक हीना खेक्‍या हीकी धेन्‍पाङला खेमेलेन्‍दालाक।

योहान्‍ना 6:46

को़न्‍क्षोकने झ्‍युङगीन खोङबा च्‍यीगागी यापला ज्‍या हो़तालाक धेनी श्‍येम्‍मा सी़या यापला माज्‍या हो़तालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

१ योहान्‍ना 4:12

को़न्‍क्षोकला सी़या ज्‍या माङ्युङ हो़तालाक हीना होरी च्‍यीकगी च्‍यीकला झाम्‍पा झ्‍यीना, को़न्‍क्षोक होरी नाङदु श्‍युक्‍वालाक धेनी खोङबागी झाम्‍पा होरी नाङदु छाङगो झ्‍युङालाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

१ योहान्‍ना 4:9

होराङक्‍या सेगी थोक्‍ने सो़न्‍पो ॱनेयेगी क्षीदु को़न्‍क्षोकगी, राङगी से च्‍यीक च्‍यीक्‍पोगो जीक्‍तेनदु ॱङाक जेपालाक। दी गोनेराङ, को़न्‍क्षोकगी राङगी झाम्‍पा होराङक्‍याला ॱङो़न्‍पालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।