योहान्‍ना 1:17 - ॱलोवा

¹⁷ घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 1:17 Iomraidhean Croise

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 5:45

“ङी यापगी डुङदु खेक्‍याला क्‍यो़न काटु ॱनेरी ॱमासाम। क्‍यो़न कागीनगो खेक्‍यागी ॱलोकाका मोशेगो लाक।

योहान्‍ना 7:19

मोशेगी खेक्‍याला क्षो़ठीम दे ॱमानावाले? हीना याङ खेक्‍या सी़या क्षो़ठीम दे ॱमीरुङालाक। धा खेक्‍या ङाला सेयेगी थापस्‍यी घीझ्‍येरी चालाले?”

योहान्‍ना 8:32

धेनी धेन्‍पागो खीकी स्‍येगीलाक धेनी धेन्‍पागी खेक्‍याला राङवाङ जेगीलाक।”

योहान्‍ना 9:29

को़न्‍क्षोकगी मोशेला कामो़न सुङगीनगो हेक्‍याला स्‍येयेहो़क हीना दे मी दे घाने हुङगीनगो हेक्‍याला स्‍येयेमेक।”

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 7:38

दे होदे मोशेराङ लाक। ईस्‍राएल्‍पाक्‍या रीतोङदु धेदी घाङला, सीना रीरु नाम्‍खे भाङछेनगी मोशे धाङ होरी धाङबी फामाक्‍यामुला कामो़न सुवालाक। धेनी को़न्‍क्षोकगी खोला होरी क्षीला, छे ॱनाङगीन का ॱनाङवालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

गालातीयापा 3:17

ङी ॱनागीन लाबगी दो़न्‍दाकगो दे लाक, लो श्‍यीपग्‍या सुमच्‍यु स्‍याम्‍ला होवा क्षो़ठीम दी, को़न्‍क्षोकगी थाक चेगीन धाम्‍चा देला मेताला डोगीन झ्‍येरी स्‍यीक ॱमीथुक्‍कीलाक।

ईब्‍रीपा 9:22

ॱङोन्‍ने झ्‍यीना क्षो़ठीमला तेन्‍ना, घीरी ठाकगी थोक्‍ने चाङमा झ्‍यीदालाक धेनी ठाक ॱमाली़वा धीक्‍पाक्‍या सेये मेतालाक।