योहान्‍ना 1:16 - ॱलोवा

¹⁶ खोङबागी फी़न्‍सुम छोक्‍पागी थोक्‍ने, होराङ घीरीगी थुक्‍जे च्‍यीकगी खाला थुक्‍जे थोप्‍पालाक।

योहान्‍ना 1:16 Iomraidhean Croise

मेथा 13:12

घीझ्‍येरी ॱनाना हो़गीनला धोराङा ॱनाङगीलाक धेनी मेछो़ली झ्‍युङगीलाक। हीना मेगीनगोला, खोला हो़गीनगोवा खोने ठोक्‍कीलाक।

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 3:14

योहान्‍नागी खोङला काक्‍ये दो़दी, देरे ॱनेवालाक, “ङाकाः खेराङने ठी़सो़ लेन्‍घोगुलाक हीना खेराङ ङीचारु फेयाले?”

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

रोमापा 5:17

धा आदाम मी च्‍यीकगी धीक्‍पागी झ्‍येरी छीवागी वाङ झ्‍येहो़ना, येशु मास्‍यीका मी च्‍यीकगी थोक्‍ने, थुक्‍जे मेछो़ली थोप्‍था धाङ ढाङतेनगी ॱनाङज्‍यीन थोप्‍थाक्‍याई, देले ल्‍हाक छेसोकगी नाङ वाङ झ्‍यीगीलाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

एफीसुपा 1:23

दे क्षो़छोक नी, खोङबागी कुसोक च्‍योक्‍रे लाक धेनी घीरी खाङा जेगीन, मास्‍यीकागी थोक्‍नेराङ क्षो़छोक फी़न्‍सुम छोक्‍पा जेपालाक।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

कोलोसेपा 1:19

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी खोङगी नाङ ॱनेयेला, को़न्‍क्षोक थुक घेवालाक।

कोलोसेपा 2:3

मास्‍यीकागी नाङ, स्‍येराप धाङ रीक्‍पागी तेर घीरी बे हो़तालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।