योहान्‍ना 1:10 - ॱलोवा

¹⁰ कागो जीक्‍तेनदु श्‍युक हो़तालाक धेनी जीक्‍तेन खोङबागी थोक्‍ने को़वालाक हीना जीक्‍तेनगी खोङबाला ङो ॱमास्‍येवालाक।

योहान्‍ना 1:10 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

योहान्‍ना 1:11

खोङबा राङगी मीक्‍याचारु फेप्‍पालाक हीना खोङबाराङगी मीक्‍याई खोङबाला खे मालेम्‍बालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:3

घीरी खोङगी थोक्‍ने झ्‍युवालाक धेनी झ्‍युजा घीरी, खोङगी थोक्‍ने माना माझ्‍युवालाक।

योहान्‍ना 1:5

हो़ दे मी़नाकगी नाङ स्‍यारालाक धेनी मी़नाकगी होदे खाला वाङदु माधी़वालाक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 5:17

हीना येशुगी खुङक्‍याला सुवालाक, “ङी यापगी धान्‍दा थुक्‍पे क्षाक्‍ले जेदालाक धेनी ङा झ्‍यीदाहीन।”

जेपा 14:17

खोङबागी ले शाङा झ्‍यीयेला बोर माजेपालाक। खोङबागी नाम्‍खाने क्षावा तारी धेनी धी़चो़ला लोदोक शोवा जेपालाक। शामा मेछो़ली ॱनाङदी मीक्‍याई सेम घाटोगी खाङ जेपालाक। देरे जेदी को़न्‍क्षोकगी क्षाक्‍लेक्‍याईराङ, खोङबागी पाङपो ॱनाङालाक।”

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 2:8

दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

ईब्‍रीपा 11:3

धेपागी गोने जीक्‍तेन खाम घीरी, को़न्‍क्षोकगी कागी थोक्‍ने को़वालाक ॱनेरी, होराङ ॱहाघोरालाक। होझ्‍येरी ॱमीकगी थोङगीनगो, थोङ ॱमीथुक्‍कीनगी गोने को़वालाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।