योहान्‍ना 1:1 - ॱलोवा

¹ थोक्‍मा का हो़तालाक धेनी का दे को़न्‍क्षोकमुला श्‍युक हो़तालाक धेनी का दे को़न्‍क्षोक लाक।

योहान्‍ना 1:1 Iomraidhean Croise

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

लुका 24:53

धेनी खुङक्‍या च्‍योई क्षो़खाङदु, को़न्‍क्षोकला तो़टा पुरी धेदालाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:2

का नी, थोक्‍मा को़न्‍क्षोकमुला हो़तालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 8:58

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, आब्‍राहाम ॱमाके एन्‍लाराङ, ङा हो़क।”

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

फीलीप्‍पीपा 2:6

खोङ को़न्‍क्षोकगी स्‍यीकाला झ्‍येरीयाः, को़न्‍क्षोक ढाडा चीयेगी लाबला शीम्‍दी माश्‍युक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

कोलोसेपा 1:17

खोङ नी को़पा घीरीने एन्‍ला श्‍युक हो़तालाक धेनी को़पा घीरी, खोङगी नाङ ॱने हो़तालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 13:8

येशु मास्‍यीका नी, दाङ धाङ धीरीङ धाङ धी़ ग्‍युनगी क्षीदु मीग्‍युरा श्‍युक्‍वालाक।

ईब्‍रीपा 7:3

खोङगी आकी धाङ आमा धाङ रीग्‍यु धाङ केगीनगी धी़ याङना ढोङगीनगी धी़गी कोरला घीयाः मेतालाक। हीना खोङ नी, को़न्‍क्षोकगी से च्‍योक्‍रे, धी़ तेनगी क्षो़पो़न लाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:17

ङी खोङबाला ज्‍याली घाङला, ङा खोङबागी श्‍याप डुङदु मी स्‍यीस्‍या च्‍योक्‍रे ग्‍येवी। हीना खोङबागी राङगी क्षाक ॱये, ङी खाला श्‍या जेदी सुवालाक, “ख्‍यो़ माजीक। ङा नी थोक्‍मा धाङ थामागो हीन।

ॱङो़न्‍पा 1:2

धेनी योहान्‍नागी को़न्‍क्षोकगी का धाङ येशु मास्‍यीकागी पाङपो झ्‍येरी, राङगी थोथा घीरीला धेन्‍पाङ झ्‍येवालाक।

ॱङो़न्‍पा 1:8

“ङा नी, आल्‍फा धाङ ओमेगागो हीन।” सुरी, चोवो को़न्‍क्षोक सुङालाक। खोङबा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन, ॱलानामेपे को़न्‍क्षोक लाक।

ॱङो़न्‍पा 19:13

खोङबागी ठाकला बाबा नाशा ॱनुम्‍दुक धेनी खोङबागी छेन नी, को़न्‍क्षोकगी का ॱनेरी दुक।

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:13

ङा नी आल्‍फा धाङ ओमेगा धेनी एम्‍मा धाङ स्‍याम्‍मा धेनी थोक्‍मा धाङ थागो हीन।”

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।