याकोब 5:9 - ॱलोवा

⁹ पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।

याकोब 5:9 Iomraidhean Croise

मेथा 24:33

होझ्‍येरीराङ देक्‍या घीरी खीकी थोङी घाङला, खोङबा घो डाम्‍दुराङ ङ्येदुक ॱनेरी स्‍येलाझ्‍यी।

मारकु 13:29

होझ्‍येरीराङ ङी ॱनागीन लाब देक्‍या झ्‍युङी घाङला, ङा हुङगीन धी़चो़ ॱलेप्‍जुङ, घोच्‍चारु ॱलेप्‍जुङ ॱनेरी ॱहाघोरा झ्‍यी।

मारकु 6:19

होझ्‍येरी हेरोदीयासगी राङ सेम नाङदु योहान्‍नागी क्षीला, ॱमीच्‍यीकी ॱङीङनाक शीम्‍दी धेपालाक धेनी खो सेङी दो़पालाक हीना मी़ से ॱमाथुक्‍पालाक।

१ कोरीन्‍थुपा 10:11

खुङक्‍या खाला झ्‍युजा दे घीरी, होरी क्षीदु पे झ्‍युङयेला लाक। धेनी होराङ धी़गी थाला ॱलेप हो़गीनक्‍याला ङेन्‍ता झ्‍युङयेला, देक्‍या ढीक्‍ती श्‍याक हो़तालाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 9:7

मी रे-रेगी राङगी मेदो़दा धेनी हुदुक्‍ती मेन्‍दा, हीना राङगी सेमगी थाक्‍चो़चाने राङ श्‍यान्‍देप पुघो़। घीझ्‍येरी ॱनाना ङ्यामो घेरी पुगीनगोला को़न्‍क्षोक थुक्‍ङेउ जेदालाक।

गालातीयापा 5:14

घीझ्‍येरी ॱनाना क्षो़ठीम घीरी “राङगी खीम्‍चेला राङला च्‍योक्‍रे चेवा झ्‍यी” ॱनागीन, का च्‍यीकगी डुप हो़तालाक।

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

याकोब 4:12

क्‍योप जे थुप्‍कीन धाङ मेताला जे थुप्‍कीन क्षो़ठीम ॱनाङगीन धाङ ठीम्‍पो़न च्‍यीक च्‍यीगा हो़क। हीना राङगी खीम्‍चेला क्‍यो़न चुक्‍कीन, ख्‍यो़ सु हीनो?

याकोब 5:10

पी़नक्‍याओ, चोवोगी छेनगी थोक्‍ने सुङगीन ॱङो़नस्‍येखेनक्‍याला, दुक्‍पु धाङ शो़गोमगी पेला लेन।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।

१ पेटो 4:5

हीना सो़न्‍पो धाङ स्‍यीम्‍पो ॱङीगी ठीम्‍चो़ ॱनाङयेला डाढीक हो़गीन, खोङबाला खुङक्‍याई ची पु घोगुलाक।

१ पेटो 4:9

धेनी दुकेक माग्‍यावा च्‍यीकगी च्‍यीकला डो़न्‍बो सी़।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।