याकोब 5:3 - ॱलोवा

³ खीकी सेर धाङ ॱङुला ॱया साक्‍दुक धेनी ॱया देराङ खीकी क्‍यो़नगी पाङपो झ्‍युङगीलाक धेनी मेगी च्‍योक्‍रे, खीकी स्‍या शागीलाक। थामे ठीम्‍चो़गी ङीमाक्‍याई क्षीदु, खेक्‍या ग्‍युनोर साःले?

याकोब 5:3 Iomraidhean Croise

जेपा 2:17

को़न्‍क्षोकगी सुङालाक, ‘थामागी ङीमाक्‍याला, ङा मी घीरीगी खाला ङी थुक्‍ङी तेरयेहीन, धेनी खेक्‍याई भीजा-भोमोक्‍याई ॱङो़न स्‍येगीलाक, ख्‍योक्‍तोङक्‍याई थोङनाङ थोङगीलाक, धेनी घेबो-घेमोक्‍याई ॱमीक्‍लाम ॱमीक्‍कीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

२ तीमोथेउ 2:17

धेनी देरे लाबक्‍या ॱङेन्‍गा झ्‍युजा नाजा च्‍योक्‍रे ख्‍याप्‍कीलाक। देरे लाब ताङगीन मी नाङने, हुमेनायु धाङ फीलेतोस ॱङीउ लाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

ॱङो़न्‍पा 17:16

धेनी ख्‍यी़ थोथा होदे राक्‍योक च्‍यु धाङ होदे सेम्‍चेनगी, होदे श्‍याङचोङमाला दाङा झ्‍यीगीलाक। धेनी मोला हो़गीन घीरी ठोक्‍ती, मोला ॱमाराङा शोगीलाक धेनी खुङक्‍याई मी़ स्‍या शागीलाक धेनी मोला मेला ॱराक्‍ती मेताला ताङगीलाक।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”