याकोब 5:19 - ॱलोवा

¹⁹ ङी पी़नक्‍याओ, खेक्‍या नाङने धेन्‍पाने खा डारी सोसोवा च्‍यीकला, याङ मी च्‍यीकगी छुला ॱलोक्‍ती ठीक्‍ती हुङना,

याकोब 5:19 Iomraidhean Croise

मेथा 18:15

“ख्‍यी़ पी़नगी ख्‍यी़ ग्‍यापला धीक्‍पा झ्‍यीना, सोरी खेराङ ॱङीउ च्‍यीगागी घुङदु खी़ नोन्‍डुगो स्‍यो़क। धेनी खी़ ख्‍यो़ला ङेन्‍ना, ख्‍यो़ला राङगी पी़न थोप्‍कीलाक।

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

गालातीयापा 6:1

पी़नक्‍याओ, मी च्‍यीकगी झ्‍यावा ङेन्‍पा झ्‍यीगीनगो थेम्‍ना, खे धाम्‍पे थुक्‍ङीला ॱनेगीनक्‍याई झाम्‍बो झ्‍येरी, मी देला लाम ढाङपोला ठीक। धेनी खेक्‍याराङ होदेने ॱमीली़येगी क्षीला राङला शाप-शाप झ्‍यी।

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

१ तीमोथेउ 6:21

देरे लाबक्‍याई स्‍याबाला डारी रीङगा राङगी धेपाने ङ्याम हो़तालाक। थुक्‍जे खेक्‍यामुला हुङास्‍योक।

२ तीमोथेउ 2:18

छीवाने ॱलार सो़न्‍गीन दे झ्‍युसालाक ॱनेरी, खुङक्‍या धेन्‍पाने लोक्‍पालाक। धेनी खुङक्‍याई मी रीङगाला धेपाने ॱलोक्‍येला टुक्‍ई।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 3:14

हीना खीकी सेम नाङदु ठादोक खाक्‍तीया धाङ राङदो़गी दो़क्षाक हो़ना, खेक्‍या खेवा हो़क ॱनेरी खाप्‍ले स्‍येदी, धेन्‍पाला शोक ॱमास्‍ये।

याकोब 5:20

होदे नोरवा लामने छुला ॱलोक्‍ती ठीक्‍ती हुङगीनगी, होदे मीगी सेम छीवाने क्‍योप्‍कीलाक धेनी खी़ धीक्‍पा माङा सेगीलाक ॱनेरी, खेक्‍याई स्‍येघो़।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।