याकोब 5:17 - ॱलोवा

¹⁷ एलीया नी, होराङ च्‍योक्‍रे मी च्‍यीक लाक। खी़ क्षावा माग्‍यास्‍योक ॱनेरी, ॱमो़लाम स्‍युक्‍क्षे ग्‍याप्‍पालाक धेनी लो सुम धाङ दावा ढुक थुक्‍पे, साला क्षावा माग्‍याप्‍पालाक।

याकोब 5:17 Iomraidhean Croise

लुका 4:25

धेनी ङी ॱङोन्‍ने ॱनाये हीन्‍ना, ॱङो़नस्‍येखेन एलीयागी धी़चो़ला लो सुम धाङ दावा ढुक थुक्‍पे क्षावा छेदी, यु घीरी मुगे क्षेला स्‍योरी घाङला, ईस्‍राएलदु ॱमीच्‍यीकी माङा युक्‍जामाक्‍या हो़तालाक।

जेपा 10:26

हीना पेटोगी खोला ॱलारी ॱनेवालाक, “याला लोङ। ङाः ख्‍यो़ च्‍योक्‍रे मी च्‍यीक हीन।”

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

रोमापा 11:2

को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

ॱङो़न्‍पा 11:6

खुङक्‍याई ॱङो़नस्‍ये स्‍येगीन ङीमाक्‍याला क्षावा माग्‍यास्‍योक ॱनेरी, ॱनामक्‍या खा काक्‍येगी नी़थु खुङक्‍याला हो़तालाक। धेनी क्षुक्‍याला ठाक शोये धाङ साश्‍यीरु, राङगी थेगीनगी धी़ला दुक्‍पु ॱना घीरी, खेरती हुङयेगी नी़थु खुङक्‍याला हो़तालाक।