याकोब 5:16 - ॱलोवा

¹⁶ होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

याकोब 5:16 Iomraidhean Croise

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 3:6

धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

मारकु 1:5

युदेयागी यु घीरी धाङ येरुसालेमगी मीक्‍या घीरी, खी़चारु सोवालाक धेनी खुङक्‍या राङ-राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

लुका 9:6

धेनी खुङक्‍या घोङपा श्‍युरी यु च्‍यीकने श्‍येम्‍मा झ्‍येरी, घीरीला ताम्‍शाङगो स्‍येदी धेनी हो़लेदु नेपाक्‍या चो़गा झ्‍येरी सोवालाक।

योहान्‍ना 9:31

को़न्‍क्षोकगी धीक्‍चेनक्‍याई ॱमो़लाम ॱमेसेन्‍दालाक हीना खोङबाला ॱङीङकुर झ्‍यीगीन धाङ खोङबागी थुकोङ डुप्‍तु च्‍युक्‍कीनक्‍याला, खोङबागी सेन्‍दालाक ॱनेरी होराङक्‍याई स्‍येलालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 19:18

धेनी धेपा-झ्‍यीगीन मी ॱमीच्‍यीकी माङा होरी, खोराङक्‍याई एम्‍मा झ्‍येजा लेगा ङेन्‍पाक्‍याई कोरला घीरीगी दोङला स्‍येपालाक।

जेपा 8:24

धेनी सीमोनगी ॱनेवालाक, “खेराङगी सुङगीन च्‍योक्‍रे ङाला मीझ्‍युङयेला, ङी क्षीला खेराङ राङ चोवोला सोवा ग्‍याप्‍रो झ्‍यी।”

रोमापा 3:10

सुङरापला देरे ढीक हो़तालाक, “ढाङपो सुवा मीदुक, च्‍यीगारा च्‍यीया मीदुक,

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

१ थेसालोनीकेपा 5:17

ॱमो़लाम ॱमेक्षेता ग्‍योप,

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

१ थेसालोनीकेपा 5:25

पी़नक्‍याओ, हीकी क्षीला ॱमो़लाम श्‍यी़।

ईब्‍रीपा 11:4

धेपागी गोने हाबेलगी खी़ पी़न कायीनने ल्‍हाक, शाङा क्षो़पा को़न्‍क्षोकला पुवालाक। धेनी को़न्‍क्षोकगी हाबेलगी क्षो़पाला थुक्‍ङेउ जेदी, खो ढाङपो चीवालाक। धेनी हाबेल ढोङसारतीयाः धेपागी गोनेराङ, खो धान्‍दा लाब ताङालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।