याकोब 5:15 - ॱलोवा

¹⁵ धेनी धेपे ॱमो़लामगी होदे नेपाला क्‍योप्‍कीलाक धेनी चोवोगी होदेला ढाक्‍सो़ ॱनाङगीलाक। धेनी खी़ धीक्‍पा झ्‍येहो़ना, खोला घोयाङ थोप्‍कीलाक।

याकोब 5:15 Iomraidhean Croise

मेथा 17:20

खोङबागी खुङक्‍याला सुवालाक, “खीकी धेपा च्‍युङराक्‍ती लाक। ङा खेक्‍याला धेन्‍पाराङ ॱनाहीन, खेक्‍याला छुकगी ढीउ चो़ धेपा हो़ना, खेक्‍याई दे री देला, ‘देने हुरु पो़री सोङ।’ ॱनाना होदे पो़गीलाक। धेनी खेक्‍याई झ्‍यी ॱमीथुप्‍कीन घीया मेयोङगीलाक।

योहान्‍ना 5:14

स्‍याम्‍ला येशुगी खोला क्षो़खाङदु थुक्‍ती खोला सुवालाक, “तो़दाङ, ख्‍यो़ ढाक्‍सालाक। होझ्‍येरी स्‍याम्‍ला देने ल्‍हाक दुक्‍ङेल क्षे मेयोङयेला, ख्‍यो़ याङदा धीक्‍पा माझ्‍यी।”

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

याकोब 1:6

हीना खी़ दोक्‍पा घीया मीझ्‍यीदा धेपेगोने श्‍यी़घो़ घीझ्‍येरी ॱनाना दोक्‍पा झ्‍यीगीनगो नी ॱलुङगी देता धाङ टुक्‍टा ग्‍याछोगी भालाप च्‍योक्‍रे लाक।

याकोब 5:13

खीकी घुङदु दुक्‍पु ङ्याङगीन मी रे हो़ते? होदेगी ॱमो़लाम ग्‍याप्‍घो़। खेक्‍याने ङ्यामो घागीन रे हो़ते? होदेगी तो़लु लेन्‍घो़।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

याकोब 5:20

होदे नोरवा लामने छुला ॱलोक्‍ती ठीक्‍ती हुङगीनगी, होदे मीगी सेम छीवाने क्‍योप्‍कीलाक धेनी खी़ धीक्‍पा माङा सेगीलाक ॱनेरी, खेक्‍याई स्‍येघो़।