याकोब 5:13 - ॱलोवा

¹³ खीकी घुङदु दुक्‍पु ङ्याङगीन मी रे हो़ते? होदेगी ॱमो़लाम ग्‍याप्‍घो़। खेक्‍याने ङ्यामो घागीन रे हो़ते? होदेगी तो़लु लेन्‍घो़।

याकोब 5:13 Iomraidhean Croise

मेथा 26:30

धेनी खोङबाक्‍याई तो़याङ च्‍यीक पुरी, क्‍युरुस्‍यीङगी री स्‍योकला फेप्‍पालाक।

लुका 22:44

खोङबागी सेम ॱमीच्‍यीकी दुक्‍पुगी खारी, खोङबागी ॱङीङ थाक्‍पाने सोवा ताप्‍पालाक। धेनी खोङबागी ॱङुना ठाकगी थीक्‍पा च्‍योक्‍रे साला थीक्‍पालाक।

लुका 23:42

धेनी खी़ येशुला ॱनेवालाक, “येशु ला, खेराङ राङगी ग्‍यासीला फेई घाङला, ङाला ढेन्‍रो जे।”

१ कोरीन्‍थुपा 14:15

धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

एफीसुपा 5:19

च्‍यीकगी च्‍यीकमुला सुङगुर धाङ तो़लु धाङ घुरलुक्‍या थोक्‍ने लाब तारी धेनी राङगी सेमने चोवोला तो़याङ धाङ रोल्‍याङ फी़।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

याकोब 5:10

पी़नक्‍याओ, चोवोगी छेनगी थोक्‍ने सुङगीन ॱङो़नस्‍येखेनक्‍याला, दुक्‍पु धाङ शो़गोमगी पेला लेन।

ॱङो़न्‍पा 14:3

धेनी को़न्‍क्षोकगी श्‍युक्‍ठी धाङ होदे सेम्‍चेन श्‍यी धाङ ॱलोपो़नक्‍याई दोङदु, खुङक्‍याई ॱलु साबा च्‍यीक पुवालाक। धेनी साश्‍यीने रीङ तेरती ॱली़ला, मी बुम च्‍यीक धाङ श्‍यीपच्‍यु श्‍येवीक्‍या माना, श्‍येम्‍मा सी़या होदे ॱलुगो झाङ ॱमाथुक्‍पालाक।

ॱङो़न्‍पा 7:10

खुङक्‍याई केक क्षे ग्‍याप्‍ती ॱनेवालाक, “श्‍युक्‍ठीरु श्‍युक्‍कीन, होरी को़न्‍क्षोक धाङ लुक्‍टुने थारपा हो़तालाक।”