याकोब 4:12 - ॱलोवा

¹² क्‍योप जे थुप्‍कीन धाङ मेताला जे थुप्‍कीन क्षो़ठीम ॱनाङगीन धाङ ठीम्‍पो़न च्‍यीक च्‍यीगा हो़क। हीना राङगी खीम्‍चेला क्‍यो़न चुक्‍कीन, ख्‍यो़ सु हीनो?

याकोब 4:12 Iomraidhean Croise

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

लुका 12:5

हीना खेक्‍या सुला जीक घो़गुले ॱनेरी ङी तो़न्‍दु। ली़ सेसारती स्‍याम्‍ला ॱङ्यावादु ॱयुक्‍येगी वाङ हो़गीन, खोङबा को़न्‍क्षोकला जीक। ङा खेक्‍याला ॱनाहीन, खोङबाला जीक।

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

रोमापा 14:4

मी श्‍येम्‍मागी ॱयोक्‍पोला क्‍यो़न चुक्‍कीन ख्‍यो़ सुले? खो खोरी दाक्‍पोगी दोङदुराङ या लाङालाक याङना मा ल्‍हीमालाक। धेनी खोला या ॱलाङगीलाक घीझ्‍येरी ॱनाना चोवोगी खोला ॱलाङ जे थुक्‍वालाक।

रोमापा 2:1

होझ्‍येरी श्‍येम्‍माला क्‍यो़न चुक्‍कीन मी ख्‍यो़, ख्‍यो़ला घोयाङ मेतालाक घीझ्‍येरी ॱनाना दो़न घीला, ख्‍यी़ मी श्‍येम्‍माला क्‍यो़न चुक्‍यी, होदे दो़नगोला ख्‍यो़लाः क्‍यो़न चुक्‍कीलाक। घीझ्‍येरी ॱनाना श्‍येम्‍माला क्‍यो़न चुक्‍कीन ख्‍यी़याः, होदे लेगा झ्‍यीदालाक।

रोमापा 9:20

हीना को़न्‍क्षोकला खालोक्‍कीन मी ख्‍यो़ सु हीनो? शो़सा च्‍यालाकगी शोगीनला “ख्‍यी़ ङाला देरे घीझ्‍येरी शो़वा?” ॱनेरी ॱनाले?

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।