याकोब 4:11 - ॱलोवा

¹¹ पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

याकोब 4:11 Iomraidhean Croise

लुका 6:37

“श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

रोमापा 2:1

होझ्‍येरी श्‍येम्‍माला क्‍यो़न चुक्‍कीन मी ख्‍यो़, ख्‍यो़ला घोयाङ मेतालाक घीझ्‍येरी ॱनाना दो़न घीला, ख्‍यी़ मी श्‍येम्‍माला क्‍यो़न चुक्‍यी, होदे दो़नगोला ख्‍यो़लाः क्‍यो़न चुक्‍कीलाक। घीझ्‍येरी ॱनाना श्‍येम्‍माला क्‍यो़न चुक्‍कीन ख्‍यी़याः, होदे लेगा झ्‍यीदालाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

२ तीमोथेउ 3:3

धेनी चेसेम मेगीन धाङ दाङसेमचेन, ठामा ग्‍याप्‍कीन धाङ छो़ मीशीम्‍गीन, दुक्‍चुपचेन धाङ गेवाला मेघागीन

तीतोस 2:3

होदे च्‍योक्‍रे घेमोक्‍याला धाम्‍पे मीजी पी़ धेनी ठामा ॱमास्‍ये धेनी क्षाङदो़मा माझ्‍युङ धेनी मी श्‍येम्‍माक्‍याला ॱलापच्‍या शाङपो तेर ॱनेरी स्‍यो़क।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 1:25

हीना राङवाङ ॱनाङगीन याङदाक्‍पे ठीमला श्‍यीप्‍ता, झ्‍यीगीन धाङ तेन्‍पो ॱनेगीन धेनी काला ङेन्‍दी, ज्‍येदी डुगीन मेन्‍दा हीना लाक्‍लेन तारी झ्‍यीगीन मीगोला, खी़ झ्‍यीगीन लेगाला झ्‍यीलाप थोप्‍कीलाक।

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

याकोब 5:10

पी़नक्‍याओ, चोवोगी छेनगी थोक्‍ने सुङगीन ॱङो़नस्‍येखेनक्‍याला, दुक्‍पु धाङ शो़गोमगी पेला लेन।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।