याकोब 4:1 - ॱलोवा

¹ खीकी घुङदु च्‍यो़पा धाङ ठुक्‍पाक्‍या घाङगी झ्‍येरी झ्‍युङाले? देक्‍या खीकी खोक्‍पी नाङदु थाप्‍ती धेगीन दो़क्षाकक्‍याने झ्‍युवामालाक से?

याकोब 4:1 Iomraidhean Croise

मेथा 15:19

घीझ्‍येरी ॱनाना सेम नाङने साम्‍लो ङेन्‍पाक्‍या धाङ मी सेये धाङ लोक्‍येम धाङ दो़लोक धाङ कुमा कुये धाङ पाङपो शोक्‍पो तेरये धाङ ॱमेबेप झ्‍यीयेक्‍या थो़न्‍दालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 8:7

घीझ्‍येरी ॱनाना धीक्‍पे राङश्‍यीला तेन्‍गीन सेम नी, को़न्‍क्षोकगी डा हुङालाक। दी को़न्‍क्षोकगी क्षो़ठीमला ॱमीचीलालाक धेनी चीया ॱमीथुक्‍वालाक।

गालातीयापा 5:17

घीझ्‍येरी ॱनाना ली़गी दो़पाक्‍या धाम्‍पे थुक्‍ङीगी दो़पाला ॱमीथी़न्‍दालाक धेनी धाम्‍पे थुक्‍ङीगी दो़पा ली़गी दो़पाला ॱमीथी़न्‍दालाक। धेनी दे ॱङीउ डा झ्‍युरी, खेक्‍याई थेगीन लेगा झ्‍यीरु ॱमीच्‍युक्‍कीलाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

२ तीमोथेउ 2:23

हीना ॱलेन्‍पा धाङ दो़न्‍दाक मेगीन ॱङ्योक्‍टाक्‍याई, धुगा स्‍योरतु च्‍युक्‍कीनगो, ख्‍यी़ स्‍येये झ्‍येरी देक्‍याला जेम।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

तीतोस 3:9

क्षोमेगीन ॱङ्योक्‍टाक्‍याने धाङबी मीगी मीरापक्‍या धाङ क्षो़ठीमगी क्षीला, खा थाप्‍कीन धाङ धुगा ताङगीनक्‍याला झ्‍यी़दोक माझ्‍यी घीझ्‍येरी ॱनाना देक्‍या फेन ॱमेथोक्‍कीन धाङ क्षोमेगीन लाक।

याकोब 1:14

हीना मी घीरी राङगी दो़क्षाकगी ॱली़री, होदे स्‍याबाला डारी छो़ता नाङदु छी़दालाक।

याकोब 4:3

खेक्‍याई घी श्‍यी़गीनगो ॱमेथोबालाक घीझ्‍येरी ॱनाना खेक्‍या राङगी दो़क्षाक खाङयेला, सेम्‍बा ङेन्‍पे गोने श्‍योवा पुलालाक।

१ पेटो 1:14

खेक्‍या टुवा खाला ङेन्‍पोक्‍या च्‍योक्‍रे, एम्‍मा खीकी ॱमास्‍येवाला झ्‍येजा दो़छाकक्‍याला याङ खेक्‍या माडे।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।