याकोब 3:9 - ॱलोवा

⁹ होराङ देगी थोक्‍नेराङ चोवो धाङ यापला तो़पा पुलालाक धेनी दी थोक्‍नेराङ, को़न्‍क्षोकगी ॱयीपला को़का मीक्‍याला ॱमेमो ग्‍यालाक।

याकोब 3:9 Iomraidhean Croise

मेथा 26:74

धेनी पेटोगी ॱनेवालाक, “ङा धेन्‍पा ॱनाहीन ॱनेरी ॱना क्‍यालाहीन। मेन्‍ना को़न्‍क्षोकगी ङेपा ङाला फोवास्‍योक। ङा होदे मीला ॱमेस्‍येहो़क!” धेनी लाम्‍साङ झ्‍याफोगो केक ग्‍याप्‍पालाक।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

जेपा 2:26

होझ्‍येरी ङा सेम नाङनेराङ ङ्यामो घा हो़क, धेनी ङी खाने थो़न्‍दा, छीकक्‍याई खोङबाला तो़टा पुलीहो़क। धेनी ङी ली़गी खोङबाला रेवा झ्‍येरी धेदीहो़क।

रोमापा 3:14

“खुङक्‍याई खा नी, ॱमेमो धाङ छीक चुक्‍वागी खाङदुक।”

१ कोरीन्‍थुपा 11:7

केवे-भु नी को़न्‍क्षोकगी ॱयीप धाङ शीजे हीन्‍गीन झ्‍येरी, खी़ खोरी गोवा तुम्‍ये मेतालाक हीना केवे-भोमो नी केवे-भुगी शीजे लाक।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 3:10

खा च्‍यीक्‍नेराङ तो़पा धाङ ॱमेमो ॱङीगारा थो़न्‍दालाक। ङी पी़नक्‍याओ, देरे नी हुङये मेगीन ची लाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।