याकोब 3:6 - ॱलोवा

⁶ च्‍येमो देया मे च्‍योक्‍रे लाक। दे नी होरी ली़गी येन्‍लाकक्‍याने ङेन्‍पागी खाङखा जाम्‍बुलीङ च्‍यीक लाक। देगी ली़ घीरीला, ॱमेचाङा शोवालाक धेनी ॱङ्याल्‍वे मेगी खी़ मीछेगी छोवा घीरी मेला ॱरालाक।

याकोब 3:6 Iomraidhean Croise

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मारकु 7:15

फीने खोक्‍पा नाङदु जुगीन घीन्‍दागी, मीला ॱमेचाङा शोगीमालाक हीना खोक्‍पा नाङने फीला थो़न्‍गीनक्‍याई मीला ॱमेचाङा शोवालाक।

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

जेपा 20:30

खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

जेपा 6:13

धेनी खुङक्‍याई शोक्‍चेनक्‍याला दोङदु ठीक्‍ती, हो ॱनारु च्‍युक्‍पालाक, “दे मी दे च्‍योई धाम्‍पे क्षो़खाङ धाङ मोशेगी ॱनाङना क्षो़ठीमगी ग्‍याप्‍लोकला लाब ताङी।

तीतोस 1:11

खुङक्‍या आलेगी स्‍याबाला ग्‍युक्‍वालाक धेनी ॱलापच्‍या शोक्‍पोक्‍या तेरती, नाङमी घीरीला ठुक्‍तु च्‍युक्‍वालाक। होझ्‍येरी खेक्‍या खुङक्‍याई खा काक घो़गुलाक।

याकोब 2:7

धेनी खेक्‍याई तो़पा पुगीन धाङ खीकी ढेवा हो़गीन छेन गोला, कुरवा धेप्‍कीनगो खुङक्‍या माले?

याकोब 3:7

सेम्‍चेन धाङ झ्‍या झ्‍यीउक्‍या धाङ तोडोक्‍या धाङ ग्‍याछो नाङदु हो़गीन, सेम्‍चेन ॱनाछोक घीरीला वाङदु धु थुबालाक धेनी मीगी रीग्‍युने राङ वाङदु धु थुबालाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

३ योहान्‍ना 1:10

होझ्‍येरी ङा हुङी घाङला, खी़ घी झ्‍यीगीन लेगाक्‍याई कोरला ङा लाब झ्‍यीयेहीन। खी़ हीकी कोरला, लाब ङेन्‍पाक्‍या स्‍येदीक। धेनी देला च्‍यीगा दो़पा ॱमाखाङा, खी़ श्‍येम्‍मा मास्‍यीकावा पी़नक्‍यालाः ॱनेचाङ ॱमेयारालाक धेनी ॱयारङी दो़गीनक्‍याला खी़ काः लाक धेनी खुङक्‍याला क्षो़छोकने पी़दी जाङालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 18:23

ॱलोकगी हो़, ख्‍यी़ नाङदु याङ नामा मेभारकीलाक। माक्‍पा धाङ भाक्‍मागी केक, ख्‍यी़ नाङदु याङ नामा मेघोरकीलाक। घीझ्‍येरी ॱनाना ख्‍यी़ छोङबाक्‍या साश्‍यीगी, मी खाक्‍क्षेक्‍या लाक धेनी ख्‍यी़ थी़ ग्‍याप्‍ती मीरीक घीरीला ॱली़वालाक।

ॱङो़न्‍पा 19:20

धेनी होदे सेम्‍चेन धाङ होदेगी छापला ॱहाङसागीन लेगा तो़न्‍गीन, ॱङो़नस्‍येखेन शोक्‍पो ॱङीगाराला शीम्‍बालाक। धेनी होदे ॱङो़नस्‍येखेन शोक्‍पोगी़ राङगी ॱहाङसागीन लेगाक्‍याई थोक्‍ने, होदे सेम्‍चेनगी ताक लेन्‍ला धाङ होदेगी कुला क्षाक्‍क्षो़पा पुगीनक्‍याला ॱली़ हो़तालाक। दे ॱङीगाराला मे भारती धेता मुशेगी छोला सो़न्‍पो ॱयुक्‍पालाक।