याकोब 3:2 - ॱलोवा

² घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

याकोब 3:2 Iomraidhean Croise

मेथा 12:34

दुक्‍डुगी ग्‍युपा खेक्‍या, खेक्‍या ङेन्‍पा झ्‍येरी, शाङा घाङ झ्‍येरी ॱनाथुक्‍वाले? घीझ्‍येरी ॱनाना सेमला घी हो़गीनगो खाने थो़न्‍दालाक।

मेथा 12:37

घीझ्‍येरी ॱनाना खेरी छीकक्‍याई थोक्‍ने, ख्‍यो़ दाक्‍कीलाक याङमेना ख्‍यी़ छीकक्‍याई थोक्‍ने ख्‍यो़ला ठीम फोक्‍कीलाक।”

रोमापा 3:10

सुङरापला देरे ढीक हो़तालाक, “ढाङपो सुवा मीदुक, च्‍यीगारा च्‍यीया मीदुक,

रोमापा 7:21

धा ङा शाङागो झ्‍यीङी दो़नाः, ङेन्‍पागो ङी नाङदुराङ ॱनेदुक। होझ्‍येरी मीछेगी डोताङगो ङी थोङी।

१ कोरीन्‍थुपा 9:27

हीना मी श्‍येम्‍माक्‍याला ताम्‍शाङ स्‍येछारती, ङा ङाराङगी ज्‍यागागो मेस्‍योरयेगी क्षीदु, ङा ङारी ली़ला छो़ शीम्‍दी, वाङ होकदु धी़लीहो़क।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 5:17

घीझ्‍येरी ॱनाना ली़गी दो़पाक्‍या धाम्‍पे थुक्‍ङीगी दो़पाला ॱमीथी़न्‍दालाक धेनी धाम्‍पे थुक्‍ङीगी दो़पा ली़गी दो़पाला ॱमीथी़न्‍दालाक। धेनी दे ॱङीउ डा झ्‍युरी, खेक्‍याई थेगीन लेगा झ्‍यीरु ॱमीच्‍युक्‍कीलाक।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

याकोब 1:4

खेक्‍याला ॱमेछाङगीन घीया माझ्‍युवा, याङदाक्‍पा धाङ छाङगो झ्‍युङयेगी क्षीदु शो़पाला होदेगी ज्‍यावा डुप्‍तु च्‍युक।

याकोब 2:10

घीझ्‍येरी ॱनाना मी च्‍यीकगी ठीम घीरी ॱरुरी हीना च्‍यीकला च्‍यीगा लेना, खो क्षो़ठीमगी ठीम घीरी ॱमारुङगीनगी क्‍यो़न फोक्‍कीलाक।

१ पेटो 3:10

घीझ्‍येरी ॱनाना “राङगी ॱरोकला चेवा झ्‍यीये, धाङ कीपे ङीमाक्‍या थोङङी दो़गीनक्‍याई, राङगी च्‍येमोला ङेन्‍पा, धाङ राङगी खाला, गो कोरकीन लाबक्‍याने ॱरुङघो़।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।