याकोब 3:15 - ॱलोवा

¹⁵ देरे स्‍येराप नी, को़न्‍क्षोकने मालाक हीना दे नी, जीक्‍तेन धाङ स्‍याठाक धाङ धी़गी स्‍येराप लाक।

याकोब 3:15 Iomraidhean Croise

लुका 16:8

धा दाक्‍पोगी़ होदे ॱङेरपा मेढाङाला राङगी क्षीला, देरे चाङग्‍यु झ्‍यीगीनगोला तो़टा तावालाक। घीझ्‍येरी ॱनाना दे जीक्‍तेनगी मीक्‍या राङगी च्‍योक्‍रेक्‍यामुला चाङग्‍यु झ्‍यीयेला, हो़गी टुक्‍याने खेवा हो़तालाक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

जेपा 13:10

“ख्‍यो़ लाब शाङा घीरीगी डा लाक धेनी च्‍यो़पा आ धाङ शोकगी खाङखा धी़कगी टुवा लाक। ख्‍यो़ चोवोगी लाम शाङागो ॱनोयेला, नामा भोरये मेने?

रोमापा 1:22

धेनी खुङक्‍या राङला खेवा हीन ॱनालाक हीना ॱयोल्‍ले ॱलेन्‍दा झ्‍युवालाक।

१ कोरीन्‍थुपा 1:27

हीना खेवाक्‍याला ङोजा पाप्‍येगी क्षीदु, को़न्‍क्षोकगी जीक्‍तेनगी ॱलेन्‍दाक्‍याला दामा जेपालाक धेनी वाङक्षेक्‍याला ङोजा पाप्‍येगी क्षीला, जीक्‍तेनगी क्‍योवाक्‍याला दामा जेपालाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 3:19

घीझ्‍येरी ॱनाना दे जीक्‍तेनगी स्‍येराप नी, को़न्‍क्षोकगी ॱमीक्‍वादु ॱलेन्‍दा लाक। सुङरापला देरे ढीक हो़तालाक, “मी खेवाक्‍याला खोरी चाङग्‍यु नाङलाराङ, खोङबागी शीम्‍गीलाक।”

१ कोरीन्‍थुपा 3:3

खेक्‍या धान्‍दाः जीक्‍तेन्‍पा राङ दुक। घीझ्‍येरी ॱनाना खीकी खोक्‍दु ठादोक धाङ थाप्‍चो़ हो़नाः, खेक्‍या जीक्‍तेन्‍पा माले धेनी मी क्‍युमाक्‍या च्‍योक्‍रे चो़पा झ्‍यीदा माले?

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

२ थेसालोनीकेपा 2:9

ठीमने डागीन मी दे धी़कगी वाङने होरी, शोक्‍पो ताकक्‍या धाङ ॱहाङसागीन लेगाक्‍या

१ तीमोथेउ 4:1

स्‍यामगी धी़ला मी रीङगा ॱली़गीन सेम्‍ङीक्‍या धाङ डेगी क्षो़ला तेन्‍दी, राङगी धेपा पाङगीलाक सुरी, धाम्‍पे थुक्‍ङीगी सायेरे सुङ हो़तालाक।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

युदा 1:19

छोखाक पेगीन धाङ जीक्‍तेन्‍पा सेम हो़गीन धाङ धाम्‍पे थुक्‍ङी मेगीन, मीक्‍या देक्‍याराङ लाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 2:24

“हीना दे क्षो़ला ॱमीचीगीन धाङ धी़ सातानगी साङवा तीङरीङाक्‍या मेज्‍याङगीन, खे थीयातीरादु हो़गीन खेक्‍याला ॱनाहीन, ‘ङा खेक्‍याला खु श्‍येम्‍मा घीया कायेमेन।

ॱङो़न्‍पा 9:11

धेनी होदेक्‍याई ग्‍यावुगो, थी मेगीन दोङ-दोङगी भाङछेन दुक। ईब्‍रीपा केकला होदे भाङछेनगी मीङ आबेदो़न धेनी गीरीक केकला आपो़ल्‍यो़न लाक। होदे ॱनाना तोरस्‍यीक ताङगीन लाक।