याकोब 3:1 - ॱलोवा

¹ पी़नक्‍याओ, खेक्‍याने माङक्षे ॱलोप्‍खेन माझ्‍युङ घीझ्‍येरी ॱनाना हे ॱलाप्‍कीनक्‍याला, ॱयो़ल्‍ले ल्‍हाक ठीम दाम्‍बो चेगीलाक ॱनेरी, खेक्‍या स्‍येलालाक।

याकोब 3:1 Iomraidhean Croise

मेथा 10:24

“ङेने च्‍यीक राङगी घेगेनने थोवा मेयोङालाक याङ ॱयोक्‍पो च्‍यीक राङगी दाक्‍पोने थोवा मेयोङालाक।

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 23:14

“[खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या युक्‍जामाक्‍याई नाङ ॱहाम्‍बा झ्‍येरी ठोक्‍वालाक धेनी ॱमो़लाम रीङा-रीङा ग्‍याप्‍ती, मी ढाङपो हीन दोक-दोक झ्‍यीदालाक। होझ्‍येरी श्‍येम्‍माने खेक्‍याला माङा छेपा फोक्‍कीलाक।]

मेथा 9:11

धेनी फारुसीपाक्‍याई दे थोरी, खोङबागी ङेनेक्‍याला ॱनेवालाक, “खेक्‍याई घेगेन घीझ्‍येरी ठा धुगीनक्‍या धाङ धीक्‍चेन श्‍येम्‍माक्‍यामुला शामा शाले?”

लुका 16:2

धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

लुका 6:37

“श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

योहान्‍ना 3:10

येशुगी खोला लेन सुवालाक, “ख्‍यो़ ईस्‍राएल्‍पाक्‍याई ॱलोपो़न च्‍यीक झ्‍येरीया, दो़न देक्‍या ॱहामेघोराले?

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

१ तीमोथेउ 1:7

देरे मीक्‍या राङगी घी ॱनागीन याङना घीन्‍गी थोकला पोबा केरी ॱनागीनगो घीया ॱहामाघोवालाः, क्षो़ठीमगी ॱलोपो़नक्‍या झ्‍युङयेगी दो़पा झ्‍यीदालाक।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 3:10

खा च्‍यीक्‍नेराङ तो़पा धाङ ॱमेमो ॱङीगारा थो़न्‍दालाक। ङी पी़नक्‍याओ, देरे नी हुङये मेगीन ची लाक।

१ पेटो 5:3

खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।