याकोब 2:7 - ॱलोवा

⁷ धेनी खेक्‍याई तो़पा पुगीन धाङ खीकी ढेवा हो़गीन छेन गोला, कुरवा धेप्‍कीनगो खुङक्‍या माले?

याकोब 2:7 Iomraidhean Croise

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 27:63

ॱनेवालाक, “चोवो, दे ॱली़टे देगी खोराङ सो़न्‍पो हेती घाङला ‘ङीमा सुमगी स्‍याम्‍ने, ङा छीवाने सो़न्‍पो लाङयेहीन’ ॱनेरी ॱनागीनगो, हेक्‍याला ढेन्‍बा हो़क।

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 15:17

ङी मीङने भो़पा याहुदापा मेन्‍गीन मीक्‍या, धाङ श्‍येम्‍मा ल्‍हाक्‍ला मीक्‍यागीयाः ङाला चारु हुङयेला ङा देरे झ्‍यीयेहीन, सुरी एम्‍माने ॱहालाराङ दे लाबक्‍या सुङसा,

जेपा 26:11

धेनी थेङमा ॱमीच्‍यीकी माङा ङी खुङक्‍याला येशुला ॱमेटा पाप्‍तु च्‍युक्‍येला, छोक्‍खाङक्‍या नाङदु छेपा कारु च्‍युक्‍पी। ङा खुङक्‍यामुला ॱमीच्‍यीकी श्‍येताङ लारी, ङी श्‍येम्‍मा ग्‍याखापक्‍याला सोरी खुङक्‍याला दुक्‍पु तावी।”

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

ॱङो़न्‍पा 19:13

खोङबागी ठाकला बाबा नाशा ॱनुम्‍दुक धेनी खोङबागी छेन नी, को़न्‍क्षोकगी का ॱनेरी दुक।

ॱङो़न्‍पा 19:16

खोङबागी नाशा धाङ ॱलास्‍याला “ग्‍यावुक्‍याई ग्‍यावु धाङ चोवोक्‍याई चोवो” ॱनेरी, छेन ढीक हो़तालाक।