याकोब 2:5 - ॱलोवा

⁵ ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

याकोब 2:5 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मारकु 7:14

याङदा येशुगी मीछोकला खोङबाचारु भो़या जेदी सुवालाक, “खे घीरी ङाला ङेन धेनी ॱहाघोरा झ्‍यी,

लुका 12:21

येशुगी सुवालाक, “राङगी क्षीला ग्‍युनोर साक्‍कीन हीना को़न्‍क्षोकगी ॱमीक्‍वादु क्षुक्‍पु मेगीनगो, होदे मी च्‍योक्‍रेराङ लाक।”

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 16:22

“धेनी उटे मीगो स्‍यीवालाक धेनी नाम्‍खे भाङछेनक्‍याई, खोला खेरती आब्‍राहामगी भोलोक्‍तु श्‍याक्‍पालाक। धेनी होदे क्षुक्‍पु मीगोवा स्‍यीरी रोगो सा होकला बेवालाक।

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 22:29

ङी यापगी ङाला ग्‍यासी च्‍यीक ॱनाङगीन च्‍योक्‍रे, ङाः खेक्‍याला तेराहीन।

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

योहान्‍ना 7:48

पो़न्‍पोक्‍या धाङ फारुसीपाक्‍याने च्‍यीकगीया खोङला धेपा झ्‍ये दुक्‍ये?

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 2:9

घीहीन्‍ना सुङरापदु देरे ढीक हो़तालाक, “ॱमीकगी ॱमाथोथा धाङ आमच्‍योकगी ॱमाघोरका, धाङ मीगी सेमगी ॱमासाम्‍साक्‍याराङ, को़न्‍क्षोकगी राङला चेवा झ्‍यीगीनक्‍याला डाढीक जे हो़तालाक।”

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

२ थेसालोनीकेपा 1:5

धेनी को़न्‍क्षोकगी ग्‍यासी नाङदु, खेक्‍या डो थुप्‍ये मी झ्‍युङयेगी दो़नला, खेक्‍याई दुक्‍पु ङ्याङगीनगो को़न्‍क्षोकगी ठीम्‍चो़ ढाङपोगी पाङपो लाक।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 1:9

पी़न्‍दा ङ्यामच्‍युङक्‍याई राङगी घोक्‍जा थोवाला, ङ्यामो घा झ्‍यीघो़।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।