याकोब 2:23 - ॱलोवा

²³ धेनी सुङरापला देरे ढीक्‍टा कागो डुप्‍पालाक, “आब्‍राहामगी को़न्‍क्षोकला धेपा झ्‍येवालाक धेनी दी थोक्‍ने, खो ढाङतेनगी मी च्‍यीक चीवालाक।” धेनी खोला को़न्‍क्षोकगी छोटोक ॱनेरी ॱनालाक।

याकोब 2:23 Iomraidhean Croise

मारकु 12:10

धाम्‍पे सुङरापला ढीक्‍टा दे, खेक्‍याई माढोक हो़ती? ‘खाङबा शोगीनक्‍याई फेन ॱमेथोक्‍कीन ॱनेरी, ॱयुक्‍कीन धोगोङगो राङ शुरधोगो झ्‍युदुक,

मारकु 15:27

खुङक्‍याई खोङबामुला झ्‍याक्‍पा ॱङी, च्‍यीकला खोङबागी ये स्‍योक धाङ च्‍यीकला ॱयो़नला क्‍याङबालाक।

लुका 4:21

धेनी खोङबागी खुङक्‍याला सुवालाक, “धीरीङ सुङरापगी का दे, खेक्‍याई ङेन्‍दी घाङलाराङ डुप्‍सुङ।”

जेपा 1:16

“पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

रोमापा 11:2

को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

रोमापा 9:17

घीझ्‍येरी ॱनाना सुङरापगी ग्‍यावु फारोला सुवालाक, “ख्‍यी़ थोक्‍ने, ङी नी़थु तो़न्‍ये धाङ ङी मीङ जाम्‍लीङ घीरीदु सेटाक झ्‍यीयेगी क्षीला, ङी ख्‍यो़ला ॱलाङबी।”

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 3:6

धा आब्‍राहामला क्षा श्‍याक्‍ना, “खी़ को़न्‍क्षोकला धेपा झ्‍येवालाक धेनी को़न्‍क्षोकगी खो मी ढाङपो च्‍यीक ची ॱनावालाक।”

२ तीमोथेउ 3:16

धाम्‍पे सुङरापला हो़गीन घीरी को़न्‍क्षोकगी थुक्‍ङीने झ्‍युवालाक। धेनी दे ॱलापच्‍या ॱलाप्‍ये धाङ क्‍यो़न तो़न्‍ये धाङ नोन्‍डु शोये धाङ ढाङतेनगी लामला ॱलोप्‍तो़न तो़न्‍येला, फेन थोवालाक।

याकोब 2:24

मी च्‍यीक धेपागी च्‍यीगा मेन्‍दा, लेगागी गोने ढाङतेनला चीगीनगो खेक्‍या थोङालाक।

१ पेटो 2:6

घीझ्‍येरी ॱनाना धाम्‍पे सुङरापला देरे सुङ हो़तालाक, “तो़दाङ, ङा सीयोनगी नाङला धो च्‍यीक श्‍याहीन, दाम्‍दा धाङ चाक्षे हीन्‍गीन शुरधो च्‍यीक, खोङला धेपा झ्‍यीगीन सुवाः ङोछारु ॱमीच्‍युक।”