याकोब 2:21 - ॱलोवा

²¹ होरी धाङबी मेमे आब्‍राहामगी ॱमारछो़ पुयेला, राङगी भीजा क्षो़ठीरु पुली घाङला, खो खोरी लेगागी थोक्‍नेराङ ढाङपो चीवा माले?

याकोब 2:21 Iomraidhean Croise

मेथा 12:37

घीझ्‍येरी ॱनाना खेरी छीकक्‍याई थोक्‍ने, ख्‍यो़ दाक्‍कीलाक याङमेना ख्‍यी़ छीकक्‍याई थोक्‍ने ख्‍यो़ला ठीम फोक्‍कीलाक।”

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

लुका 1:73

होदे होरी याप आब्‍राहाममुला, खोङबागी उ ॱना श्‍येवालाक,

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

लुका 16:30

खी़ ॱनेवालाक, ‘मालाक, याप आब्‍राहाम, स्‍यीम्‍बुक्‍याने च्‍यीक खुङक्‍याचारु डोना, खुङक्‍याई खोरी धीक्‍पा पारी सेम ग्‍युरकीलाक।’

योहान्‍ना 8:39

खुङक्‍याई “आब्‍राहाम हीकी याप हीन।” ॱनेरी ॱनेवालाक। धेनी येशुगी खुङक्‍याला सुवालाक, “खेक्‍या आब्‍राहामगी भुग्‍यु हीन्‍ना, खेक्‍या आब्‍राहामगी घी झ्‍यीगीनगो झ्‍यीदी हो़टु।

योहान्‍ना 8:53

हीकी याप आब्‍राहाम ढोवालाक धेनी ॱङो़नस्‍येखेनक्‍या ढोवालाक। धा ख्‍यो़ खुङक्‍याने खाक्‍क्षे हीने? ख्‍यो़ राङला सी़ हीन सामी हो़तो?”

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 4:1

धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?

रोमापा 4:12

धेनी याङ आब्‍राहाम पाउ चेचाक्‍यागीयाः याप लाक हीना खुङक्‍याई धेपागो, होरी याप आब्‍राहामगी पाउ ॱमाचे एन्‍ला, हो़गीन धेपा च्‍योक्‍रे हुङघोवालाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

ईब्‍रीपा 11:17

धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

याकोब 2:18

हीना मी च्‍यीकगी, “ख्‍यो़ला धेपा हो़तालाक धेनी ङाला लेगाक्‍या हो़क।” ॱनेरी ॱनाना, लेगा मेगीन ख्‍यी़ धेपा दे ङाला तो़न धेनी ङी ङारी लेगागी थोक्‍ने, ङी धेपा ख्‍यो़ला तो़न्‍दु ॱनेरी, ङा ॱनायेहीन।

याकोब 2:24

मी च्‍यीक धेपागी च्‍यीगा मेन्‍दा, लेगागी गोने ढाङतेनला चीगीनगो खेक्‍या थोङालाक।