याकोब 2:19 - ॱलोवा

¹⁹ खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

याकोब 2:19 Iomraidhean Croise

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 12:29

येशुगी लेन ॱलोक्‍वा जेपालाक, “काक्‍याने गेक्षेस्‍योक धाङपोगो, ‘ये ईस्‍राएल ङेन, चोवो होरी को़न्‍क्षोक नी, चोवो च्‍यीक च्‍यीगा लाक।

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

मारकु 7:9

येशुगी खुङक्‍याला याङ सुवालाक, “खेक्‍या राङगी लुक्‍सो़ला ॱरुङक्‍योप झ्‍यीयेला, को़न्‍क्षोकगी काक्‍याला ङोलोक झ्‍यीयेगी लाम्‍गा घा च्‍यीक जोरदुक।

लुका 4:34

“के नाजारेतगी येशु, हीकीमुला खेराङगी घी ढेवा? हेला मेताला ताङयेला खेराङ फेप्‍पाले? खेराङ को़न्‍क्षोकगी धाम्‍पे मीगो लाक ॱनेरी, ङाला स्‍येयेहो़क।”

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”

जेपा 19:15

हीना श्‍याक्‍मो च्‍यीक खुङक्‍याई देरे लेगा झ्‍यीदी घाङला, ॱनो़पा च्‍यीकगी खुङक्‍याला ॱनेवालाक, “येशुला ङा ङो स्‍येलीहो़क। पाउलुलाः ङो स्‍येलीहो़क हीना खेक्‍यागो सुले?”

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

रोमापा 3:30

धेनी को़न्‍क्षोक नी च्‍यीकराङ हो़तालाक। धेनी खोङबागी पाउ चेचाक्‍याला धेपागी थोक्‍ने, धाङ पाउ ॱमाचेचाक्‍यालाः धेपागी थोक्‍ने ढाङपो जेगीलाक।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

गालातीयापा 3:20

छोक च्‍यीक च्‍यीगा हो़ना बारमी मेघोलालाक धेनी को़न्‍क्षोक च्‍यीकराङ हीन।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।