17 देरे झ्येरी लेगा मीडुप्कीन, धेपा नी स्यीवा हीन।
धेनी धा धेपा धाङ रेवा धाङ झाम्पा सुम ॱनेगीलाक। हीना देक्या नाङने गेक्षेस्योकगो झाम्पा लाक।
धेनी ङाला हो़गीन घीरी झ्यीम्बा ताङना धेनी ङी ली़ राङ सो़न्पो ॱराक्येला तेरनाः, हीना ङी नाङ झाम्पा मेना ङाला फेन्थोक्ये घीया मेक।
घीझ्येरी ॱनाना मास्यीका येशुगी दोङदु पाउ चेगीन ॱरो चीगीन हीन्ना लाक, ॱमीचीगीन हीन्ना घीया फेन मेतालाक हीना झाम्पागी थोक्ने लेगा झ्यीगीन धेपा च्यीगा फेन थोक्वालाक।
होरी याप को़न्क्षोकगी डुङदु, खेक्याई धेपागी लेगा धाङ झाम्पागी काल्ले धाङ होरी चोवो येशु मास्यीकागी खाला रेवा तेन्पोगोला, हेक्याई ॱमो़लामला ॱमेक्षेता ढेन्दी हो़क।
होरी ॱलापच्यागी ॱमीक्यु नी, सेम चाङमा धाङ स्येराप शाङपो धाङ धेन्पा धेपाने झ्युङगीन झाम्पा लाक।
ङी पी़नक्याओ, मी च्यीकगी राङला धेपा हो़क ॱनाना, हीना धेपाला थी़न्गीन लेगागो मीझ्यीना, देला फेन्थोक घी हो़तालाक से? खी़ धेपागी खोला क्योप थुक्कीले?
ली़ सेमने डाना स्यीगीन च्योक्रे, धेपागोवा लेगाने डाना स्यीस्या च्योक्रे लाक।
