याकोब 2:14 - ॱलोवा

¹⁴ ङी पी़नक्‍याओ, मी च्‍यीकगी राङला धेपा हो़क ॱनाना, हीना धेपाला थी़न्‍गीन लेगागो मीझ्‍यीना, देला फेन्‍थोक घी हो़तालाक से? खी़ धेपागी खोला क्‍योप थुक्‍कीले?

याकोब 2:14 Iomraidhean Croise

मेथा 5:20

घीझ्‍येरी ॱनाना ङा खेक्‍याला ॱनाहीन, खेक्‍याई ढाङतेन क्षो़ठीमगी ॱलोपो़नक्‍या धाङ फारुसीपाक्‍याने ल्‍हाक मेना, खेक्‍या नाम्‍खे ग्‍यासीदु नामाः ॱमीछी़गीलाक।

लुका 3:11

धेनी योहान्‍नागी खुङक्‍याला ॱनेवालाक, “खेक्‍याला घो़ ॱङी हो़ना च्‍यीक मेगीनला तेरघो़ धेनी शामा हो़गीनगीयाः होदेरेराङ झ्‍यीघो़।”

लुका 6:49

हीना ङी काला ङेन्‍दी होदे च्‍योक्‍रे मीझ्‍यीगीनगो डाम ॱमातीवा, सा खाला खाङबा शोगीन मी च्‍योक्‍रे च्‍यीक लाक। धेनी होदे खाङबाला क्षु फोई घाङला, खाङबागो लाम्‍साङ धीप्‍ती मेताला सोवालाक।”

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 8:13

सीमोनगीयाः खोराङ धेपा झ्‍येवालाक धेनी ठी़सो़ लेन्‍सारती, खो फीलीपमुला ग्‍युक्‍वालाक। धेनी फीलीपने झ्‍युजा ताकक्‍या धाङ ॱहाङसागीन लेगाक्‍या थोरी खो ॱहालेवालाक।

जेपा 8:21

हीकी लेगाला ख्‍यो़ला थोप्‍ताङ घीन्‍दा मेतालाक घीझ्‍येरी ॱनाना को़न्‍क्षोकगी डुङदु ख्‍यी़ सेम ढाङपो मीदुक।

रोमापा 2:25

धा ख्‍यी़ क्षो़ठीम ॱरुङना, पाउ चेगीन ॱरो दे, ॱङोन्‍ने फेन्‍थोक हुङालाक हीना ख्‍यी़ क्षो़ठीम ॱमीरुङना, ख्‍यी़ पाउ चेगीन ॱरोगो ॱमीरुङगीन च्‍योक्‍रे लाक।

१ कोरीन्‍थुपा 15:2

धेनी ङी खेक्‍याला स्‍येस्‍या ताम्‍शाङगोला खेक्‍या तेन्‍पो ॱनेना, दी थोक्‍नेराङ खेक्‍या क्‍योप्‍कीलाक। देरे मेन्‍ना, खेक्‍याई क्षो मेताला धेपा झ्‍येवालाक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 11:17

धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 2:16

खेक्‍याने च्‍यीकगी खोला, “दुङा मीझ्‍यीदा सोङ, घोलाक डोजे घो़न धेनी शामा घाजे शो” च्‍यीगा ॱनेरी, हीना खी़ ली़ला घो़गीनगो ॱमेतेरना, देला फेन्‍थोक घी हो़तालाक से?

याकोब 2:18

हीना मी च्‍यीकगी, “ख्‍यो़ला धेपा हो़तालाक धेनी ङाला लेगाक्‍या हो़क।” ॱनेरी ॱनाना, लेगा मेगीन ख्‍यी़ धेपा दे ङाला तो़न धेनी ङी ङारी लेगागी थोक्‍ने, ङी धेपा ख्‍यो़ला तो़न्‍दु ॱनेरी, ङा ॱनायेहीन।

याकोब 2:26

ली़ सेमने डाना स्‍यीगीन च्‍योक्‍रे, धेपागोवा लेगाने डाना स्‍यीस्‍या च्‍योक्‍रे लाक।

२ पेटो 1:5

होझ्‍येरी घी झ्‍यी थुप-थुप खेक्‍याई धेपाला चो़लाम शाङपो धेनी चो़लाम शाङपोला स्‍येयो़न