याकोब 2:1 - ॱलोवा

¹ ङी पी़नक्‍याओ, खेक्‍याई धेपा होरी शीजेगी चोवो, चोवो येशु मास्‍यीका खाला हो़गीन झ्‍येरी, क्षोक्‍री माझ्‍यी च्‍यीक।

याकोब 2:1 Iomraidhean Croise

मेथा 22:16

धेनी खुङक्‍याई खोरी ङेनेक्‍या, हेरोदेगी मीक्‍यामुला येशुचारु झावालाक। धेनी खुङक्‍याई श्‍यी़वालाक, “गेन्‍ला, हेक्‍याला स्‍येयेहो़क। खेराङ नी, ढाङपो धाङ को़न्‍क्षोकगी लाम ढाङपो तो़न्‍दी। धेनी खेराङ मीगी ङो तेरी क्षाक्‍ले मेजेगीन झ्‍येरी, खेराङ मी श्‍येम्‍मागी साम्‍लोला या मेजेदालाक।

जेपा 10:34

धेनी पेटोगी गो चुक्‍पालाक, “को़न्‍क्षोकगी सुलाः ॱयेवा मेजेदालाक ॱनेरी, धा ङी ॱङोन्‍ने ॱहाघोजुङ।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 24:24

ङीमा घाजीङ स्‍याम्‍ने, फेलीक खोरी याहुदापा केमी दुरुसीलामुला होवालाक। धेनी पाउलुला केक तारी, खी़ येशु मास्‍यीकाला धेपा झ्‍यीगीनगी कोरला स्‍येगीनगो, खुङ ॱङीउगी ङेन्‍बालाक।

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

१ कोरीन्‍थुपा 2:8

दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 2:3

खेक्‍याई होदे घोलाक पी़मा घो़न्‍गा मीगोला चीकुर झ्‍येरी, “खेराङ श्‍युक्‍देन दुरु श्‍युक।” ॱनेरी ॱनालाक धेनी मी उटेगोला, “ख्‍यो़ हुरु लारी धो़क” याङना “ङी होकदु धो़क” ॱनेरी ॱनालाक।

याकोब 2:9

हीना खेक्‍याई ॱयेवा चेगीन लेगा झ्‍यीना खेक्‍याई धीक्‍पा झ्‍यीदालाक धेनी काठीमगी थोक्‍ने, खेक्‍या ठीमला ॱमीचीगीन झ्‍युङालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।