याकोब 1:5 - ॱलोवा

⁵ खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 1:5 Iomraidhean Croise

मेथा 11:20

येशुगी याम्‍क्षेनगी क्षाक्‍ले माङक्षे जेजा, ढोङखेरगी मीक्‍याई सेम माग्‍युरकीन झ्‍येरी, खोङबागी खुङक्‍याला काको़न सुवालाक,

मारकु 16:14

स्‍याम्‍ला ङेने च्‍युकच्‍यीकक्‍या शामा शायेला धेती घाङला, येशुगी खुङक्‍याला राङगी कुशुक ॱङो़सुम तो़न जेपालाक। धेनी राङ छीवाने कुसो़न्‍पो श्‍येङसारती, खोङबाला ज्‍यागीनक्‍याई ॱनेना लाबला, खुङक्‍याई बा माधेपा खुङक्‍याई धेपा मेगीन धाङ सेम ॱरा हो़गीनला, खोङबागी काको़न जेपालाक।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

२ कोरीन्‍थुपा 2:16

ढीशाङ दे च्‍यीकगी क्षीला छीवे ढीमा ङेन्‍पा धाङ श्‍येम्‍मागी क्षीला छेगी ढीशाङ लाक। धा देरे लेगा सी़ झ्‍यी थुक्‍वाले?

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।