याकोब 1:4 - ॱलोवा

⁴ खेक्‍याला ॱमेछाङगीन घीया माझ्‍युवा, याङदाक्‍पा धाङ छाङगो झ्‍युङयेगी क्षीदु शो़पाला होदेगी ज्‍यावा डुप्‍तु च्‍युक।

याकोब 1:4 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 19:20

धेनी होदे ख्‍योक्‍तोङगी़ खोङबाला श्‍यी़वालाक, “दे घीरी ङी ॱरुङहो़क। धोराङा घी ॱमेछाङाओ?”

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

मारकु 10:21

धेनी येशुगी खोला शीक्‍ती, खोला झाम्‍पा जेदी सुवालाक, “ख्‍यो़ला धोराङा च्‍यीक ॱमेछाङा। ख्‍यो़ सोरी राङला हो़गीन घीरी चोरी, उटेक्‍याला ज्‍यीम्‍बा तोङ धेनी को़न्‍क्षोकगी ग्‍यासीदु ख्‍यो़ला नोर थोप्‍कीलाक। धेनी होरे, ङी स्‍याबाला डो।”

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 21:19

धेनी खीकी शो़पागी झ्‍येरी खेरी मीछे क्‍योप्‍कीलाक।”

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

१ कोरीन्‍थुपा 2:6

धा धेपा तेन्‍पो हो़गीनक्‍याई घुङदु हेक्‍या स्‍येरापगी तामक्‍या स्‍येदाहीन हीना स्‍येराप दे नी, दे धी़राप याङना मेताला डोये हीन्‍गीन, दे धी़रापगी वाङ झ्‍यीगीनक्‍याई स्‍येराप मालाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 1:9

हीना दो़न देक्‍या मेगीन मीक्‍या राङगी धीक्‍पा ॱङीङबाक्‍या दाक्‍सासागो ज्‍येदी डुगीन, थाक्‍रीङाला हो़गीनगो ॱमेथोङगीन श्‍यारा च्‍योक्‍रे लाक।