याकोब 1:27 - ॱलोवा

²⁷ होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 1:27 Iomraidhean Croise

मेथा 12:32

धेनी मी-भुगी कोरला ङेन्‍पा ॱनागीन धीक्‍पा दे सेल्‍गीलाक हीना धाम्‍पे थुक्‍ङीगी कोरला ङेन्‍पा ॱनागीन धीक्‍पा दे, धान्‍दा धाङ माउपारगी धी़ थुक्‍पे ॱमेसेल्‍गीलाक।

मेथा 5:8

सेम दाक्‍पा हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई को़न्‍क्षोकला ज्‍यागीलाक।

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 3:11

को़न्‍क्षोकगी डुङदु क्षो़ठीमगी थोक्‍ने, सुवा दाक्‍कीमालाक ॱनेरी सावो हो़तालाक घीझ्‍येरी ॱनाना, “ढाङतेन्‍पा नी धेपागी थोक्‍नेराङ सो़न्‍पो ॱनेगीलाक।”

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 5:4

हीना युक्‍जामा च्‍यीकला टुवाक्‍या धाङ याङना छाउ छामुक्‍या हो़ना, एन्‍ला खुङक्‍याई राङगी नाङमी दो़न्‍दु क्षो़ला थी़न्‍गीन चो़पा ज्‍याङघो़ धेनी राङगी फामे डेन्‍लेन खोरतु च्‍युकघो़ घीझ्‍येरी ॱनाना देलाराङ को़न्‍क्षोक थुक्‍ङेउ जेदालाक।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

याकोब 3:9

होराङ देगी थोक्‍नेराङ चोवो धाङ यापला तो़पा पुलालाक धेनी दी थोक्‍नेराङ, को़न्‍क्षोकगी ॱयीपला को़का मीक्‍याला ॱमेमो ग्‍यालाक।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।