याकोब 1:25 - ॱलोवा

²⁵ हीना राङवाङ ॱनाङगीन याङदाक्‍पे ठीमला श्‍यीप्‍ता, झ्‍यीगीन धाङ तेन्‍पो ॱनेगीन धेनी काला ङेन्‍दी, ज्‍येदी डुगीन मेन्‍दा हीना लाक्‍लेन तारी झ्‍यीगीन मीगोला, खी़ झ्‍यीगीन लेगाला झ्‍यीलाप थोप्‍कीलाक।

याकोब 1:25 Iomraidhean Croise

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

योहान्‍ना 13:17

खेक्‍याई देक्‍याई दो़न ॱहाघोरती, होदे च्‍योक्‍रे झ्‍यीना खेक्‍याला झ्‍यीलाप थोप्‍कीलाक।”

योहान्‍ना 8:36

होझ्‍येरी सेगी खेक्‍याला राङवाङ जेना, खेक्‍याला ॱङोन्‍ने राङवाङ थोप्‍कीलाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

रोमापा 11:22

होझ्‍येरी को़न्‍क्षोकगी ॱङीङजे धाङ चुवाला दो़नाङ झ्‍यी। काला मेङेन्‍गीनक्‍याला खोङ चुवा जेदालाक हीना खोङगी ॱङीङजेला मी़थुने ॱलो काना, खोङगी खेक्‍याला ॱङीङजे जेदालाक। देरे मेन्‍ना खेक्‍यालाः चेदा जेगीलाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

रोमापा 7:12

होझ्‍येरी क्षो़ठीम नी, धाम्‍पा दुक धेनी कागो धाम्‍पा धाङ धेन्‍पा धाङ शाङपो दुक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 13:5

राङगी धेपाला खेक्‍या ॱनेदुई याङना मीदुई ॱनेरी, राङला ताक्‍चा झ्‍यी। राङला छो़ता झ्‍यी। छो़ताला ॱमेथारना, येशु मास्‍यीका खीकी नाङ ॱनेगीनगो खेक्‍याई स्‍येघु मालाक से?

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

याकोब 2:12

होझ्‍येरी राङवाङ ॱनाङगीन क्षो़ठीमगी थोक्‍ने, ठीम्‍चो़ थोप्‍कीनक्‍याई च्‍योक्‍रे, खीकी ताम धाङ चो़पा हुङास्‍योक।

१ पेटो 2:16

खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

१ योहान्‍ना 2:24

खीकी गोमाने घोर ङ्युङगीनगो, खीकी नाङला ॱनेलास्‍योक। देरे झ्‍युङना, खेक्‍याः से धाङ यापगी नाङ ॱनेगीलाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।