याकोब 1:22 - ॱलोवा

²² काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

याकोब 1:22 Iomraidhean Croise

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

योहान्‍ना 13:17

खेक्‍याई देक्‍याई दो़न ॱहाघोरती, होदे च्‍योक्‍रे झ्‍यीना खेक्‍याला झ्‍यीलाप थोप्‍कीलाक।”

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

१ कोरीन्‍थुपा 15:33

राङला गोकोर ताङदु ॱमाच्‍युक। “रोवा ङेन्‍पामुला धेप्‍ना, चो़पा शाङागो मेताला डोवालाक।”

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

गालातीयापा 6:3

मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

गालातीयापा 6:7

राङगी राङला गो ॱमाकोर। को़न्‍क्षोकला सी़या क्षाले झ्‍यी थुक्‍कीमालाक। घीझ्‍येरी ॱनाना मी च्‍यीकगी घी ताप्‍यी, होदेगी ढेबुराङ धुगीलाक।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

याकोब 4:17

होझ्‍येरी शाङा झ्‍यीदा स्‍येरीयाः मीझ्‍यीना धीक्‍पा लाक।

२ पेटो 2:13

खुङक्‍याई श्‍येम्‍माला ॱनो़ क्‍यारी, होदेगी छापला राङलाः ॱनो़ फोक्‍कीलाक। धेनी खुङक्‍याई क्षीदु कीपो ताङयेगो, ङीङमोराङ छो़ मीशीम्‍दा शा-थुङ झ्‍येरी धेये लाक। खुङक्‍या खीकीमुला डो़नला शामा शी घाङलाः, मीला गोकोर ताङयेला घालालाक। खुङक्‍या नी, खेक्‍याला ङोजा खेरती हुङगीन क्‍यो़न च्‍योक्‍रे लाक।

१ योहान्‍ना 1:8

होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 22:7

येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”