याकोब 1:19 - ॱलोवा

¹⁹ ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 1:19 Iomraidhean Croise

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मारकु 12:37

“दावीद खोराङगी खोङबाला चोवो ॱनेरी श्‍यी़ना, मास्‍यीका घाङ झ्‍येरी दावीदगी भीजा झ्‍युङगीले?” धेनी मीछोक ॱमीच्‍यीकी माङागी, खोङबागी ॱलापच्‍या ॱमीच्‍यीकी ॱङेन्‍दा झ्‍येरी ङेन्‍दी धेपालाक।

मारकु 2:2

धेनी होदे नाङदु मी ॱमीच्‍यीकी माङा जोम्‍दी, घोच्‍चागी फीलाः मी धेजा माजोरालाक। धेनी येशु मीक्‍याला को़न्‍क्षोकगी का सुङी हो़तालाक।

लुका 15:1

धा ठा धुगीनक्‍या धाङ धीक्‍चेनक्‍या घीरी, येशुगी काला ङेन्‍येला खोङबागी डुङदु होवालाक।

लुका 19:48

हीना मी घीरी खोङबागी काला ॱङीङने चीगीन झ्‍येरी, खुङक्‍याला थापस्‍यी घीया ॱमाङेबालाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 10:33

होझ्‍येरी ङी लाम्‍साङ खेराङला फेप श्‍युरु झावी। धेनी खेराङ दुरु फेप्‍ती घायेरे झ्‍युजुङ। धा चोवोगी खेराङला का ॱनाङना घीरी ङेन्‍येला, हेक्‍या घीरी को़न्‍क्षोकगी डुङदु दुरु जोम हो़क।”

जेपा 13:48

दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

एफीसुपा 4:26

छीक्‍पा शो हीना धीक्‍पा माझ्‍यी। ङीमा डुप्‍ये एन्‍ला खेक्‍याई छीक्‍पा श्‍यीवास्‍योक।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

कोलोसेपा 3:8

हीना धान्‍दा खेक्‍याई खोङडो धाङ स्‍येताङ धेनी ङेन्‍सेम धाङ ॱमेबेप धाङ खेरी खाने थो़न्‍गीन, छीक झ्‍योरा घीरी पोङ।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

याकोब 1:16

ङी चेवे पी़नक्‍याओ, गोवा ॱमाखोर च्‍यीक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

याकोब 2:1

ङी पी़नक्‍याओ, खेक्‍याई धेपा होरी शीजेगी चोवो, चोवो येशु मास्‍यीका खाला हो़गीन झ्‍येरी, क्षोक्‍री माझ्‍यी च्‍यीक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

याकोब 3:10

खा च्‍यीक्‍नेराङ तो़पा धाङ ॱमेमो ॱङीगारा थो़न्‍दालाक। ङी पी़नक्‍याओ, देरे नी हुङये मेगीन ची लाक।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

याकोब 5:12

हीना ङी पी़नक्‍याओ, घीरीने चा क्षेस्‍योकगो, नाम्‍खे श्‍यीङखाम याङना साश्‍यी याङना श्‍येम्‍मा घीया पाङदु चुक्‍ती, ॱना ॱमाक्‍या हीना क्षेपा ॱमेफोक्‍येगी क्षीदु, खेक्‍याई हीनगो हीन धेनी मेनगो मेन हुङघो़।

याकोब 5:19

ङी पी़नक्‍याओ, खेक्‍या नाङने धेन्‍पाने खा डारी सोसोवा च्‍यीकला, याङ मी च्‍यीकगी छुला ॱलोक्‍ती ठीक्‍ती हुङना,

१ योहान्‍ना 2:21

खेक्‍याई धेन्‍पागो ॱहामेघोरालाक ॱनेरी, ङा दे ढीयामेन हीना खेक्‍याई ॱहाघोरालाक ॱनेरी ढीयाहीन धेनी धेन्‍पाने शोक घीया ॱमेथो़न्‍दालाक।