याकोब 1:17 - ॱलोवा

¹⁷ ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

याकोब 1:17 Iomraidhean Croise

मेथा 7:11

होझ्‍येरी खेक्‍या ङेन्‍पा झ्‍येरीया राङगी टुवाक्‍याला ॱङेन्‍बा शाङा तेर स्‍येना, नाम्‍खे श्‍यीङखामदु श्‍युक्‍कीन ख्‍यी़ यापगी, खोङला श्‍यी़गीनक्‍याला घाजो़ माङा शाङा हो़गीनक्‍या ॱनाङी हेटु।

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

योहान्‍ना 1:9

मी घीरीला हो़ ॱनाङगीन, धेन्‍पे हो़गो जीक्‍तेनदु फेई हो़तालाक।

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 4:7

खेक्‍याला मी श्‍येम्‍माने गेक्षे सी़ शो़जो से? खेक्‍याला को़न्‍क्षोकने ॱमाथोप्‍था घी हो़से? धेनी खीकी थोप्‍हो़ना, खेक्‍या घीझ्‍येरी होदे ॱनाङज्‍यीन मेन्‍गीन च्‍योक्‍रे ङोम्‍सो झ्‍यीदाले?

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

ईब्‍रीपा 13:8

येशु मास्‍यीका नी, दाङ धाङ धीरीङ धाङ धी़ ग्‍युनगी क्षीदु मीग्‍युरा श्‍युक्‍वालाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 3:15

देरे स्‍येराप नी, को़न्‍क्षोकने मालाक हीना दे नी, जीक्‍तेन धाङ स्‍याठाक धाङ धी़गी स्‍येराप लाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ योहान्‍ना 1:5

को़न्‍क्षोक नी हो़क हीन धेनी खोङगी नाङ मी़नाक च्‍यीया मेतालाक, सुरी सुङगीन कालोप दे हीकी येशुने घोरपी धेनी खेक्‍यालाः सेटाक झ्‍यीदाहीन।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।

ॱङो़न्‍पा 22:5

होदुरु याङ नामा छेन झ्‍युङगीमालाक। धेनी ॱलोक धाङ ङीमागी, हो़ खुङक्‍याला घोगीमालाक घीझ्‍येरी ॱनाना चोवो को़न्‍क्षोक खुङक्‍याई हो़ झ्‍युङगीलाक। धेनी खुङक्‍याई ग्‍युने ग्‍युन्‍दु वाङग्‍युर झ्‍यीगीलाक।