16 ङी चेवे पी़नक्याओ, गोवा ॱमाखोर च्यीक।
धेनी येशुगी खुङक्याला सुवालाक, “खेक्या नोरदुक घीझ्येरी ॱनाना, खेक्याला सुङराप धाङ को़न्क्षोकगी वाङगी कोरला स्येये मीदुक।
येशुगी खुङक्याला सुवालाक, “खेक्या नोरदुक घीझ्येरी ॱनाना खेक्याला सुङराप धाङ को़न्क्षोकगी वाङगी कोरला स्येये मीदुक।
होझ्येरी को़न्क्षोक स्यीम्बुगी मेन्दा, सो़न्पोगी को़न्क्षोक हीन। खेक्या नोरदुक।”
श्याक्मो तीते स्याम्ने येशुला धेपा-झ्यीगीन मी ग्याराङ ङीउ चो़गी खोक्दु, पेटो लारी देरे ॱनेवालाक,
याङना मेढाङाक्याला को़न्क्षोकगी ग्यासीगी थोप्ताङ ॱमेथोप्कीलाक ॱनेरी, खेक्या ॱमेस्येलाले? खेक्या गो ॱमाखोर घीझ्येरी ॱनाना दो़लोक चो़गीनक्या याङना ल्हाकुन्डाला क्षो़गीनक्या याङना लोक्येम्पाक्या याङना फोलोमोलो झ्यीगीनक्या याङना फोगी फोला चो़गीनक्या,
राङगी राङला गो ॱमाकोर। को़न्क्षोकला सी़या क्षाले झ्यी थुक्कीमालाक। घीझ्येरी ॱनाना मी च्यीकगी घी ताप्यी, होदेगी ढेबुराङ धुगीलाक।
होझ्येरी ङी चेवेक्याओ, खेक्याई च्योई ङी खाला ङेन्गीन च्योक्रे, ङा हो़ती घाङला च्यीगा मेन्दा, हीना देले ल्हाक ङा मेताराङ, खेक्या जीक्नाङ धाङ घुस्यापगी थोक्ने, राङगी थारपागी क्षीला काल्ले ग्योप।
होझ्येरी ङी पी़नक्याओ, ङा खेक्याला चीदुङ झ्यीदीहो़क धेनी खेक्याला ढेन्दी हो़क। खेक्या ङी घाटो धाङ चो़पेन च्योक्रे हीन। धेनी चेवे रोवाक्याओ, देरेराङ झ्येरी चोवोगी नाङ तेन्पो ॱनेती धो़क।
मी सी़या खेक्याला ॱली़गीन ताम ॱङेन्बोगी गोकोर ॱमाताङास्योक ॱनेरी, ङा देरे ॱनाहीन।
मी सु च्यीकगीया खेक्याला खुङ मेगीन धाङ ॱली़गीन ॱलापच्याक्याई थोक्ने, वाङदु धी़रु ॱमाच्युक। देक्या नी, मास्यीकागी थोक्ने मेन्दा, मीगी लुक्सो़ धाङ जीक्तेनगी तावाक्याला तेन्दालाक।
छीवाने ॱलार सो़न्गीन दे झ्युसालाक ॱनेरी, खुङक्या धेन्पाने लोक्पालाक। धेनी खुङक्याई मी रीङगाला धेपाने ॱलोक्येला टुक्ई।
खेक्या च्यीकगी च्यीकला पी़न्दा च्योक्रे, च्योई झाम्पा झ्यीघो़।
ङी चेवे पी़नक्याओ, मी घीरी ङेन्येला ग्योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्येलाझ्यी।
ङी पी़नक्याओ, खेक्याला काङे ॱनाछोक ठेदी घाङला, होदेला घाटो क्षे ची च्यीक।
ङी पी़नक्याओ, खेक्याई धेपा होरी शीजेगी चोवो, चोवो येशु मास्यीका खाला हो़गीन झ्येरी, क्षोक्री माझ्यी च्यीक।
ङी पी़नक्याओ, मी च्यीकगी राङला धेपा हो़क ॱनाना, हीना धेपाला थी़न्गीन लेगागो मीझ्यीना, देला फेन्थोक घी हो़तालाक से? खी़ धेपागी खोला क्योप थुक्कीले?
ङी चेवे पी़नक्याओ, ङेन च्यीक, को़न्क्षोकगी जीक्तेनगी उटेक्याला धेपाला क्षुक्पु जेदी, नाम्खे ग्यासीगी ग्युज्यीन जेबा माले? खोङबाला चेवा झ्यीगीनक्याला ग्यासी दे ॱनाङये धाम्चा जेपालाक।
पी़नक्याओ, खेक्याने माङक्षे ॱलोप्खेन माझ्युङ घीझ्येरी ॱनाना हे ॱलाप्कीनक्याला, ॱयो़ल्ले ल्हाक ठीम दाम्बो चेगीलाक ॱनेरी, खेक्या स्येलालाक।
खा च्यीक्नेराङ तो़पा धाङ ॱमेमो ॱङीगारा थो़न्दालाक। ङी पी़नक्याओ, देरे नी हुङये मेगीन ची लाक।
पी़नक्याओ, च्यीकगी च्यीकला छीक ङेन्पा ॱमाना। राङगी पी़नला छीक ङेन्पा ॱनागीन याङना राङगी पी़नला क्यो़न चुक्कीनगी़ क्षो़ठीमगी कोरला ङेन्पा ॱनालाक धेनी क्यो़न चुक्वालाक। धा ख्यी़ क्षो़ठीमला क्यो़न चुक्ना, ख्यो़ क्षो़ठीम ॱरुङगीन मेन्दा क्षो़ठीमगी पो़न्पो झ्युङालाक।
हीना ङी पी़नक्याओ, घीरीने चा क्षेस्योकगो, नाम्खे श्यीङखाम याङना साश्यी याङना श्येम्मा घीया पाङदु चुक्ती, ॱना ॱमाक्या हीना क्षेपा ॱमेफोक्येगी क्षीदु, खेक्याई हीनगो हीन धेनी मेनगो मेन हुङघो़।
ङी पी़नक्याओ, खेक्या नाङने धेन्पाने खा डारी सोसोवा च्यीकला, याङ मी च्यीकगी छुला ॱलोक्ती ठीक्ती हुङना,
