याकोब 1:14 - ॱलोवा

¹⁴ हीना मी घीरी राङगी दो़क्षाकगी ॱली़री, होदे स्‍याबाला डारी छो़ता नाङदु छी़दालाक।

याकोब 1:14 Iomraidhean Croise

मेथा 15:18

हीना खाने थो़न्‍गीन घीरी, सेम नाङने हुङालाक धेनी होदेगी मीला ॱमेचाङा शोवालाक।

मेथा 15:20

देक्‍याई राङ मीला ॱमेचाङा शोवालाक। हीना लाक्‍पा ॱमाठी़वा शाना, मीला ॱमेचाङा मेशोवालाक।”

मेथा 4:1

धा धी़कगी येशुला छो़ता लेन्‍येगी क्षीला, धाम्‍पे थुक्‍ङीगी येशुला रीतोङदु ठी जेपालाक।

मेथा 5:28

हीना ङा खेक्‍याला ॱनाहीन, दो़छाकगी सेमने भोमो च्‍यीकला ताना, खी़ खोरी सेम नाङदुराङ भोमो देमुला लोक्‍येम झ्‍येसारालाक।

रोमापा 7:11

घीझ्‍येरी ॱनाना धीक्‍पागी कागी गोने घुकाप जोरती, ङाला गोकोर ताङजुङ धेनी कागी थोक्‍ने ङाला सेजुङ।

रोमापा 7:13

धा ॱहाना शाङपो हीन्‍गीन क्षो़ठीमगी, ङाला छीवा खेरती होवालाक से? देरे फुक्‍की मालाक। हीना धीक्‍पागो धीक्‍पा लाक ॱनेरी ङोस्‍येरु च्‍युक्‍येगी क्षीला, शाङा हीन्‍गीनगो भेचो़ झ्‍येरी धीक्‍पागी ङाला सेपालाक। धेनी होझ्‍येरी कागी थोक्‍ने, धीक्‍पागो ॱयोल्‍ले छाप्‍क्षे धीक्‍पा तो़न्‍बालाक।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

याकोब 1:13

छो़ता नाङला छी़दी घाङला सी़या, “को़न्‍क्षोकगी ङाला छो़ता लेन्‍दी” ॱनेरी ॱमानास्‍योक घीझ्‍येरी ॱनाना ङेन्‍पागी गोने, को़न्‍क्षोकगी छो़ता झ्‍युङ ॱमीथुक्‍वालाक धेनी खोङबाराङगीया मी सी़या छो़ता मेजेदालाक।

याकोब 1:15

धेनी दो़क्षाकगी ढेबु ली़ला क्षाक्‍ती धीक्‍पा केलालाक धेनी धीक्‍पागो छाङगो छारती, होदेगी छीवा खेरती हुङालाक।