याकोब 1:12 - ॱलोवा

¹² दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

याकोब 1:12 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

रोमापा 5:4

धाङ शो़पागी चो़पा शाङपो धाङ चो़पा शाङपोगी रेवा केगीनगो, होरी स्‍येलालाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 2:9

घीहीन्‍ना सुङरापदु देरे ढीक हो़तालाक, “ॱमीकगी ॱमाथोथा धाङ आमच्‍योकगी ॱमाघोरका, धाङ मीगी सेमगी ॱमासाम्‍साक्‍याराङ, को़न्‍क्षोकगी राङला चेवा झ्‍यीगीनक्‍याला डाढीक जे हो़तालाक।”

१ कोरीन्‍थुपा 8:3

हीना को़न्‍क्षोकला चेवा झ्‍यीगीन मीगोला, को़न्‍क्षोकगी ङो खेन्‍दालाक।

१ कोरीन्‍थुपा 9:25

चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

२ तीमोथेउ 2:15

ङो छामेघोगीन धाङ धेन्‍पागी का सावो ॱलाप्‍कीन लेजे च्‍योक्‍रे, राङगी राङला को़न्‍क्षोकगी डुङदु थुक्‍ङेउ झ्‍युङयेला घी थुप्‍तु थापस्‍यी झ्‍यी।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

ईब्‍रीपा 11:17

धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

ईब्‍रीपा 12:5

खेक्‍याला सेक्‍या सुरी भो़ जेगीन, खोङबागी ॱलापच्‍याक्‍या खेक्‍याई ढेन्‍बा ज्‍येसाले? “ङी भु, चोवोगी ॱलापच्‍याला ॱनाङमे ॱमाची, धेनी खोङबागी काको़न जेदाराङ सेम ॱमाफाम।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 3:14

हीना ढाङतेनगी क्षीदु खेक्‍या दुक्‍पु ङ्याङघोना, खेक्‍या झ्‍यीलाप क्षे लाक। खुङक्‍याई जीक्‍टा कुगीनला माजीक, धेनी राङगी सेम ठुक्‍तु ॱमाच्‍युक।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।