याकोब 1:1 - ॱलोवा

¹ को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

याकोब 1:1 Iomraidhean Croise

मेथा 10:3

फीलीप धाङ बारथोलोमा, थोमा, ठा धुगीन मेथा, आल्‍फायुगी भीजा याकोब, थाएदेआ,

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मारकु 3:18

धेनी आन्‍डीरीया धाङ फीलीप धाङ बारथोलोमा धाङ मेथा धाङ थोमा धाङ आल्‍फायुगी भीजा याकोब धाङ थाएदेआ धाङ ग्‍याल्‍चेपा ॱनागीन सीमोन

लुका 22:30

धेनी खेक्‍या ङी ग्‍यासीदु ङीमुला शा-थुङ झ्‍यीगीलाक धेनी श्‍युक्‍ठीक्‍याला धेदी ईस्‍राएलगी ग्‍युपा च्‍युङङीगी खाला ठीम झ्‍यीगीलाक।”

लुका 6:15

मेथा धाङ थोमा धाङ आल्‍फायुगी भीजा याकोब धाङ ग्‍याल्‍चेपा ॱनागीन सीमोन धाङ

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 7:35

धेनी याहुदापा पो़न्‍पोक्‍याई खोराङक्‍या घुङदु देरे ॱनेवालाक, “मी दे होरी ॱङे ॱमीथुप्‍कीन साजा घारु डोये हीन्‍ढी़? गीरीकक्‍या खोक्‍दु थोरती धेता याहुदापाक्‍या घुङदु सोरी, खो गीरीकक्‍याला क्षो़ स्‍येये सामी हो़ता?

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 12:17

पेटोगी खुङ घीरीला खाबा धो़क ॱनायेला जुक्‍ते झ्‍येवालाक धेनी चो़न्‍खाङने फीला चोवोगी घाङगी झ्‍येरी तो़न्‍जो ॱनेरी घीरीला स्‍येपालाक। “लाब दे याकोब धाङ पी़नक्‍याला स्‍यो़क।” ॱनेरी खो यु श्‍येम्‍मा च्‍यीकला सोवालाक।

जेपा 15:13

खुङक्‍याई लाब तासारती याकोबगी ॱनेवालाक, “पी़नक्‍याओ, ङी लाब ङेन आ!

जेपा 15:21

घीझ्‍येरी ॱनाना मोशेगी ॱनाङना क्षो़ठीमगो एम्‍मानेराङ, ङासुगीन ङीमा तेनग्‍याङ छोक्‍खाङक्‍याला ढोक्‍कीन झ्‍येरी, खी़ ॱलापच्‍याक्‍या ग्‍याजा घीरीला स्‍ये हो़तालाक।”

जेपा 15:23

खुङ श्‍यीगी लागाला देरे यीगी च्‍यीक तेरती झावालाक, “आन्‍तीयोक धाङ सीरीया धाङ कीलीकीयारु धेगीन याहुदापा मेन्‍गीन, धेपा-झ्‍यीगीन पी़नक्‍याला खेराङगी पी़न, हे कुछापक्‍या धाङ क्षो़छोकगी गोठीक्‍याने टास्‍यी धेलेक।

जेपा 2:5

होदे धी़चो़ला येरुसालेमदु जाम्‍बुलीङगी साजा श्‍येम्‍मा-श्‍येम्‍माने, क्षो़ला चीगीन याहुदापा मीक्‍या हो हो़तालाक।

जेपा 21:18

ॱङेटोगो पाउलुगी हेक्‍याला याकोबचारु ठीक्‍ती लाजुङ। याकोबगी नाङला क्षो़छोकगी गोठी घीरी जोम्‍दी धेदुक।

जेपा 23:26

“पो़न्‍पो फेलीक ला, ङा कालोदेहु लुसीयाने क्षाक पुलो।

जेपा 26:7

होदे धाम्‍चा राक्‍येगी रेवा झ्‍येरी, होरी मीरीक च्‍युङङीक्‍याई ङीन-छेन को़न्‍क्षोकला क्षाक्‍क्षो़पा पुरी धेपालाक। ग्‍यावु आगारीपा, होदे रेवा देगी झ्‍येरी याहुदापाक्‍याई ङाला क्‍यो़न तो़न्‍दालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

गालातीयापा 1:19

हीना चोवोगी नो याकोबला माना, श्‍येम्‍मा कुछापक्‍याने सुला ङी ॱमाथो।

गालातीयापा 2:12

याकोबगी झाजा मीक्‍या ॱमालेप्‍कीन एन्‍ला, पेटो धेपा झ्‍यीगीन याहुदापा मेन्‍गीन मीरीकक्‍यामुला धेती शालाक हीना होदे मीक्‍या ॱलेप्‍ती, खो पाउ चेगीन ॱरो चीगीनक्‍यामुला जीक्‍ती, खो याहुदापा मेन्‍गीन मीरीकक्‍याने बेरी राजा धेपालाक।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

२ तीमोथेउ 4:21

घुङगा स्‍यारये एन्‍लाराङ, ङीचारु हुङये थापस्‍यी झ्‍यी। धेनी ईहुबुलुगी ख्‍यो़ला छाम्‍डी श्‍यी़क। धेनी पुदेन धाङ लीनु धाङ कालोदीया धाङ पी़न घीरीगीया, ख्‍यो़ला छाम्‍डी श्‍यी़क।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

ॱङो़न्‍पा 7:4

धेनी ङी थेचे ग्‍याप सासाक्‍याई ढाङगागो घोरजुङ। खुङक्‍या बुम च्‍यीक धाङ तोङ श्‍यीपच्‍यु श्‍येवी दुक। धेनी खुङक्‍या ईस्‍राएल्‍पा भी़टुकक्‍याई, ग्‍युपा हो़लेने दुक।