ईब्‍रीपा 9:9 - ॱलोवा

⁹ दे नी धान्‍दागी धी़ला तो़न्‍गीन ताक च्‍यीक लाक। धेनी दी, को़न्‍क्षोकला पुपा क्षो़पा धाङ ॱमारछो़क्‍याई क्षाक्‍क्षो़पा पुगीनक्‍याई, स्‍येशाङ चाङमा शो़ ॱमीथुक्‍वालाक ॱनेरी तो़न्‍दालाक।

ईब्‍रीपा 9:9 Iomraidhean Croise

रोमापा 5:14

घीहीन्‍ना आदामने मोशेगी धी़ थुक्‍पे, मी घीरी छीवागी वाङ होकदु हो़तालाक। आदामगी को़न्‍क्षोकगी काला ॱमाचीवा धीक्‍पा झ्‍येजा च्‍योक्‍रे, धीक्‍पा माझ्‍येगीनक्‍याः छीवागी वाङ होकदु हो़तालाक। आदाम नी, फेप्‍ये हीन्‍गीन मास्‍यीकागी पे च्‍यीक लाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

ईब्‍रीपा 10:11

क्षो़पो़न हो़ले श्‍याक्‍मो ढाङी राङगी श्‍याप्‍ची डुप्‍येला, ॱमारछो़ ॱना च्‍यीक धाब्‍ले कुल्‍ले पुलालाक। धेनी क्षो़पा दी धीक्‍पा नामाः से ॱमीथुक्‍वालाक।

ईब्‍रीपा 11:19

को़न्‍क्षोकगी मीक्‍याला छीवाने याङ सो़न्‍पो जे थुक्‍वालाक ॱनेरी, आब्‍राहामगी साम्‍बालाक धेनी खी़ साम्‍गीन च्‍योक्‍रे, ईसाकला छीवाने धाब्‍ले थोप्‍पालाक।

ईब्‍रीपा 5:1

चो क्षो़पो़न रे-रे मीक्‍याई, खोक्‍ने दामालाक धेनी खुङक्‍या मीक्‍याई क्षीदु को़न्‍क्षोकला क्षो़पा धाङ धीकस्‍याकगी, ॱमारछो़ पुयेगी क्षीदु को़लालाक।

ईब्‍रीपा 7:11

धा मीमाङक्‍याला ॱनाङना क्षो़ठीमला तेन्‍दी, लेवी क्षो़पो़नगी घोक्‍जा थोक्‍ने फी़न्‍सुम छोक्‍पा थोप्‍ये हीन्‍ना, आरोनगी ग्‍युपाने मेन्‍दा मेल्‍कीजेदेक च्‍योक्‍रे, श्‍येम्‍मा क्षो़पो़न झ्‍युङघोये हो़तालाक से?

ईब्‍रीपा 8:4

धेनी खोङबा दे जीक्‍तेनला श्‍युक्‍हो़ना, खोङबा चो क्षो़पो़न हुङयेराङ मेक घीझ्‍येरी ॱनाना क्षो़ठीमला तेन्‍दी, क्षो़पा पुगीन क्षो़पो़नक्‍या होदुरु एन्‍दुरु हो़तालाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।