ईब्‍रीपा 9:23 - ॱलोवा

²³ नाम्‍खे श्‍यीङखामगी पेला हो़गीन, घुरखाङ धाङ दे नाङला हो़गीन घीरीला, ॱमारछो़गी चाङमा झ्‍यीघो़। हीना को़न्‍क्षोकगी श्‍यीङखामदु हो़गीनक्‍याला, देले ल्‍हाक ॱमारछो़ शाङा घो़वालाक।

ईब्‍रीपा 9:23 Iomraidhean Croise

लुका 24:26

मास्‍यीकागी दे घीरी दुक्‍पु ङ्याङ घो़री, खोरी शीजेदु फेप घो़गु माले?”

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

योहान्‍ना 14:3

धेनी ङा सोरी खीकी क्षीला धेजा डाढीक झ्‍येसारती, ङा धाब्‍ले हुङयेहीन। धेनी खेक्‍याला ङा हो़जारु ठीक्‍ती डोयेहीन। धेनी ङा घारु हो़जारु, खेक्‍याः हुङगीलाक।

जेपा 23:15

होझ्‍येरी खेराङक्‍या धाङ छोक्‍दी़ थी़न्‍दी, पाउलुगी कोरला धोराङा घामोमा श्‍यीप्‍ता झ्‍यी दोक-दोक झ्‍यीयेला, खोला होदेने ठीक्‍ती हुङयेला ॱमाक्‍पो़नला श्‍युरोनाङ। धेनी छोक्‍दी़ला हुङी घाङला, हेक्‍या खोला लाम्‍गाला राङ सेये डाढीक झ्‍येरी धेदुक।”

कोलोसेपा 2:17

देक्‍या नी हुङये हीन्‍गीन ॱनेछुगी ढीम्‍जाक च्‍यीका लाक हीना ङोतोकगो मास्‍यीका लाक।

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 10:4

घीझ्‍येरी ॱनाना ॱलुङ धाङ राक्‍याई ठाकगी धीक्‍पाक्‍या से ॱमीथुक्‍वालाक।

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।