ईब्‍रीपा 9:16 - ॱलोवा

¹⁶ धा खाछेम श्‍याक्‍हो़ना, होदे खाछेम श्‍याक्‍गीनगो स्‍यीछागीनगो धेन्‍पाङ झ्‍यीघो़।

ईब्‍रीपा 9:16 Iomraidhean Croise

रोमापा 5:12

होझ्‍येरी मी च्‍यीकगी थोक्‍ने, जीक्‍तेनदु धीक्‍पा झ्‍युवालाक धेनी धीक्‍पाने छीवा झ्‍युवालाक। धेनी मी घीरीगी धीक्‍पा झ्‍येजा झ्‍येरी, मी घीरीगी खाला छीवा झ्‍युवालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 15:22

आदामगी थोक्‍ने मी घीरी ढोङगीन च्‍योक्‍रे, मास्‍यीकागी थोक्‍ने घीरी सो़न्‍पो जेगीलाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

ईब्‍रीपा 9:17

घीझ्‍येरी ॱनाना खाछेम श्‍याक्‍गीनगो सो़न्‍पो हो़गीन थुक्‍पे, होदे खाछेमगो ॱमीचीलालाक। धेनी खो स्‍यीरी च्‍यीगा होदे चीलालाक।

याकोब 2:10

घीझ्‍येरी ॱनाना मी च्‍यीकगी ठीम घीरी ॱरुरी हीना च्‍यीकला च्‍यीगा लेना, खो क्षो़ठीमगी ठीम घीरी ॱमारुङगीनगी क्‍यो़न फोक्‍कीलाक।