ईब्‍रीपा 9:12 - ॱलोवा

¹² धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

ईब्‍रीपा 9:12 Iomraidhean Croise

मारकु 3:29

हीना सी़ धाम्‍पे थुक्‍ङीला ॱमेटा पाई, होदेला घोयाङ नामा थोप्‍कीमालाक धेनी खो नामा मेदाक्‍कीन धीक्‍पागी ग्‍यो़पा झ्‍यी घो़गीलाक।”

लुका 1:68

“ईस्‍राएलगी चोवो को़न्‍क्षोकला तो़टा हुङास्‍योक, घीझ्‍येरी ॱनाना खोङबा राङगी मीक्‍याचारु फेप्‍दुक धेनी खुङक्‍याला थारपा ॱनाङदुक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

कोलोसेपा 1:14

सेगी थोक्‍ने, होराङला थारपा धाङ धीक्‍पागी घोयाङ हो़तालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 10:19

होझ्‍येरी पी़नक्‍याओ, येशुगी कुठाकगी गोने, धाम्‍पे धाम्‍पा ॱनेसा नाङदु जुयेगी ॱलोगोक, होराङला हो़तालाक।

ईब्‍रीपा 10:4

घीझ्‍येरी ॱनाना ॱलुङ धाङ राक्‍याई ठाकगी धीक्‍पाक्‍या से ॱमीथुक्‍वालाक।

ईब्‍रीपा 13:12

होझ्‍येरी येशुगीयाः राङगी कुठाकगी गोने मीक्‍याला धाम्‍पा जेयेला, गेघोगी फीला दुक्‍पु ङ्यावालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

ईब्‍रीपा 7:27

धेनी श्‍येम्‍मा चो क्षो़पो़नक्‍या च्‍योक्‍रे, खोङबागी एन्‍ला राङगी क्षीदु धेनी स्‍याम्‍ला श्‍येम्‍माक्‍याई धीक्‍पागी क्षीदु च्‍योई ॱमारछो़ पुघोये मेतालाक। धेनी खोङबागी राङगी सोक पुलाराङ थेङ च्‍यीकला, घीरीगी धीक्‍पाक्‍याई क्षीदु ॱमारछो़ च्‍यीक फी़वालाक।

ईब्‍रीपा 9:13

धा रा धाङ ॱलुङगी ठाक धाङ भीप्‍मो ॱराक्‍रा घोक्‍थागो, मी ॱमेचाङाक्‍याई खाला तोराराङ, खुङक्‍याई ली़गो चाङमा झ्‍युङना,

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

ईब्‍रीपा 9:19

मोशेगी क्षो़ठीमगी का रे-रे मी घीरीला ढोक सारती, खी़ भी धाङ राक्‍याई ठाक धाङ क्षु ॱरेवालाक धेनी खुलु ॱमाउ धाङ हीसोप ॱनागीन चीस्‍यीङगो, होदे ठाकला बारी क्षो़ठीमगी पेजा धाङ मीक्‍याई खाला तोरपालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

ईब्‍रीपा 9:7

हीना खीम ॱङीवा नाङला चो क्षो़पो़न च्‍यीगा, लोला थेङमा च्‍यीक डोवालाक। धेनी ठाक ॱमेखेरा नामाः मेडोवालाक। ठाक दे नी राङ धाङ मीक्‍याई ॱमास्‍येवा झ्‍येजा, धीक्‍पाक्‍याई दो़न्‍दु पुलालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।