ईब्‍रीपा 9:11 - ॱलोवा

¹¹ होझ्‍येरी मास्‍यीका नी, धान्‍दा झ्‍युजा शाङा घीरीगी चो क्षो़पो़न झ्‍युवालाक। धेनी खोङबा मीगी लाक्‍पागी शो़सा मेन्‍दा, याङना जीक्‍तेन देगी मेन्‍गीन घुरखाङ चाक्षेस्‍योक धाङ याङदाक्‍पागी नाङने फेप्‍पालाक।

ईब्‍रीपा 9:11 Iomraidhean Croise

मेथा 11:3

धेनी खुङक्‍याई खोङबाला श्‍यी़वालाक, “फेप्‍ये हीन्‍गीनगो खेराङ राङ हीने, याङमेना हेक्‍या श्‍येम्‍माला घुक्‍कुले?”

मेथा 2:6

‘याहुदा युगी बेथलेहेम ख्‍यो़, याहुदापा पो़न्‍पोक्‍याने, ख्‍यो़ घाने च्‍युङा मेन, घीझ्‍येरी ॱनाना ख्‍यी़ नाङने, वाङग्‍युर झ्‍यीगीन च्‍यीक हुङगीलाक। खो ङी मीरीक ईस्‍राएलगी झीउ झ्‍युङगीलाक।’”

मारकु 14:58

“‘मीगी लाक्‍पागी शो़सा, को़न्‍क्षोकगी क्षो़खाङ दे स्‍यीक्‍ती लाक्‍पागी चीक्‍चा मेन्‍दा श्‍येम्‍मा क्षो़खाङ च्‍यीक, ङी श्‍याक्‍मु सुम नाङला चीउ’ ॱनेरी खी़ ॱनागीनगो हीकी घोजुङ।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 4:25

धेनी केमी देगी खोङबाला श्‍यी़वालाक, “मास्‍यीकागो फेप्‍कीलाक (खोङला खीरीस्‍तो ॱनालाक।) धेनी खोङबा फेप्‍ती दे दो़न घीरी टोवा जेगीलाक ॱनेरी, ङाला स्‍येयेहो़क।”

जेपा 7:48

“हीना मीगी शो़सा क्षो़खाङदु ॱलानामेपे को़न्‍क्षोक श्‍युक्‍कीमालाक। ॱङो़नस्‍येखेनक्‍याई देरे सुङ हो़तालाक,

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 12:27

“धोराङाः थेङ च्‍यीक” सुङगीन का दी, को़पागी नाङ हो़गीन घु-घु ताङ थुक्‍कीन घीरी मेताला जेगीलाक धेनी घु-घु ताङ ॱमीथुक्‍कीनक्‍या ॱनेगीलाक।

ईब्‍रीपा 13:14

घीझ्‍येरी ॱनाना दे जीक्‍तेनदु होराङला तेन्‍जाक धेयेला ग्‍याजा मेतालाक हीना हुङये हीन्‍गीन ग्‍याजागोला होराङ घुक्‍ती धेतालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 7:1

आब्‍राहाम ॱमाक टाप्‍ती ग्‍यारी लोक्‍ती हुङाराङ, सालेमगी ग्‍यावु धाङ ॱलानामेपे को़न्‍क्षोकगी क्षो़पो़न मेल्‍कीजेदेकला थुक्‍पालाक। धेनी खोङगी आब्‍राहामला झ्‍यीलाप ॱनावालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।