ईब्‍रीपा 8:5 - ॱलोवा

⁵ होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

ईब्‍रीपा 8:5 Iomraidhean Croise

मेथा 2:12

धा ॱमीक्‍लामला हेरोदेचारु मालोक ॱनेरी ङेन्‍ता झ्‍युरी, खुङक्‍या लाम श्‍येम्‍माने राङगी युला लोक्‍पालाक।

जेपा 7:44

“होरी धाङबी फामाक्‍याई, को़न्‍क्षोकला क्षो़पा पुगीन घुरखाङगो खुङक्‍याईमुला रीतोङदु हो़तालाक। को़न्‍क्षोकगी मोशेला घुर दे शोयेला ॱलोप्‍तो़न ॱनावालाक धेनी को़न्‍क्षोकगी खोला तो़न्‍दा पे च्‍योक्‍रे होदे शो़वालाक।

कोलोसेपा 2:17

देक्‍या नी हुङये हीन्‍गीन ॱनेछुगी ढीम्‍जाक च्‍यीका लाक हीना ङोतोकगो मास्‍यीका लाक।

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 13:10

होराङला क्षो़ठी च्‍यीक हो़तालाक धेनी होदे क्षो़ठीगी खाला पुपा क्षो़पाने घुरखाङ नाङदु, श्‍याप्‍ची श्‍यी़गीन क्षो़पो़नक्‍याई शा ॱमेछोक्‍वालाक।

ईब्‍रीपा 9:9

दे नी धान्‍दागी धी़ला तो़न्‍गीन ताक च्‍यीक लाक। धेनी दी, को़न्‍क्षोकला पुपा क्षो़पा धाङ ॱमारछो़क्‍याई क्षाक्‍क्षो़पा पुगीनक्‍याई, स्‍येशाङ चाङमा शो़ ॱमीथुक्‍वालाक ॱनेरी तो़न्‍दालाक।

ॱङो़न्‍पा 15:5

दे स्‍याम्‍ने ङी तेवी धेनी नाम्‍खे श्‍यीङखामदु को़न्‍क्षोकगी घुरखाङगी, क्षो़खाङगी घोगो पेरी श्‍याकश्‍यागो, ङी थोजुङ।