ईब्‍रीपा 8:1 - ॱलोवा

¹ धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

ईब्‍रीपा 8:1 Iomraidhean Croise

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

एफीसुपा 6:20

ताम्‍शाङ देगी दो़न्‍दु च्‍याक्‍डोकगी धाम्‍दी श्‍याकश्‍या, ङा कुछाप च्‍यीक हीन धेनी ङी स्‍ये घो़गीन ताम्‍शाङगो ॱङीङक्षे झ्‍येरी स्‍ये थुप्‍पास्‍योक ॱनेरी, ॱमो़लाम श्‍यी़।

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

ईब्‍रीपा 1:13

को़न्‍क्षोकगी नाम्‍खे भाङछेनक्‍याने सुला, देरे नामा सुङा माजे हो़तालाक, “ख्‍यी़ डाक्‍याला ङी, ख्‍यी़ काङबी होकदु माश्‍याक थुक्‍पे, ख्‍यो़ ङी ॱये स्‍योकला धो़क।”

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 10:12

हीना मास्‍यीकागी धी़ तेनगी क्षीदु, थेङ च्‍यीकला धीक्‍पा सेयेगी ॱमारछो़ पुरी, खोङ को़न्‍क्षोकगी क्षाक ॱयेरु श्‍युक्‍वा जेपालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।