ईब्‍रीपा 7:27 - ॱलोवा

²⁷ धेनी श्‍येम्‍मा चो क्षो़पो़नक्‍या च्‍योक्‍रे, खोङबागी एन्‍ला राङगी क्षीदु धेनी स्‍याम्‍ला श्‍येम्‍माक्‍याई धीक्‍पागी क्षीदु च्‍योई ॱमारछो़ पुघोये मेतालाक। धेनी खोङबागी राङगी सोक पुलाराङ थेङ च्‍यीकला, घीरीगी धीक्‍पाक्‍याई क्षीदु ॱमारछो़ च्‍यीक फी़वालाक।

ईब्‍रीपा 7:27 Iomraidhean Croise

रोमापा 6:10

खोङ ढोङगीनगो नी, धीक्‍पागी वाङ तोरस्‍यीक जेयेगी क्षीदु, थेङ च्‍यीकला ढोङपालाक हीना खोङ छोवा क्‍यागीनगो नी, को़न्‍क्षोकगी शीजेगी क्षीदु क्‍यालालाक।

एफीसुपा 2:22

धेनी धाम्‍पे थुक्‍ङीगी थोक्‍ने, को़न्‍क्षोकगी श्‍युक्‍सा झ्‍युङयेला, खेक्‍याः खोङमुला चीक्‍ती डोवालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 5:1

चो क्षो़पो़न रे-रे मीक्‍याई, खोक्‍ने दामालाक धेनी खुङक्‍या मीक्‍याई क्षीदु को़न्‍क्षोकला क्षो़पा धाङ धीकस्‍याकगी, ॱमारछो़ पुयेगी क्षीदु को़लालाक।

ईब्‍रीपा 5:3

होझ्‍येरी मीक्‍याई धीक्‍पाक्‍या क्षीदु च्‍यीगा मेन्‍दा, खी़ खोराङ राङगी धीक्‍पाक्‍याई क्षीदुवाः धीकस्‍याकगी ॱमारछो़ पु घो़लालाक।

ईब्‍रीपा 8:4

धेनी खोङबा दे जीक्‍तेनला श्‍युक्‍हो़ना, खोङबा चो क्षो़पो़न हुङयेराङ मेक घीझ्‍येरी ॱनाना क्षो़ठीमला तेन्‍दी, क्षो़पा पुगीन क्षो़पो़नक्‍या होदुरु एन्‍दुरु हो़तालाक।

ईब्‍रीपा 9:12

धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ईब्‍रीपा 9:25

चो क्षो़पो़न राङगी मेन्‍गीन ठाक खेरती, लो रे-रेला धाम्‍पे धाम्‍पा ॱनेसारु फेप्‍कीन च्‍योक्‍रे, मास्‍यीका नाम्‍खे श्‍यीङखामदु राङला याङ-याङ पुयेला फेप्‍पा मालाक।

ईब्‍रीपा 9:26

देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

ईब्‍रीपा 9:7

हीना खीम ॱङीवा नाङला चो क्षो़पो़न च्‍यीगा, लोला थेङमा च्‍यीक डोवालाक। धेनी ठाक ॱमेखेरा नामाः मेडोवालाक। ठाक दे नी राङ धाङ मीक्‍याई ॱमास्‍येवा झ्‍येजा, धीक्‍पाक्‍याई दो़न्‍दु पुलालाक।